Tashviqot tadbirlari davomida saylovchilar muammolari bartaraf etilmoqda
14.10.2021, 20:01
Shahrixon tumani, “Beshariq” mahallasida istiqomat qiluvchi Iskandar Bobojonovning surunkali kasallikka chalinganiga ancha bo‘lgan. Yetmish yoshdan oshgan otaxonning oilaviy sharoiti amaliy ko‘makka muhtoj. Xastaligi statsionar davolanishni talab qilmoqda. Biroq imkoniyati yetmayapti.
Oliy Majlis Qonunchilik palatasi deputati Odinaxon Otaxonova tomonidan mazkur hududda olib borilgan saylovoldi tashviqot tadbirlari davomida I.Bobojonovning muammosi bartaraf etildi. Saylovchining viloyat shifoxononasida davolanishi uchun bepul yo‘llanma olindi.
Deputatning xonadonlardagi tashviqot tadbirlari davom etarkan, tabiiyki, yechim kutayotgan masalalarga ham javob topib borildi. Jumladan, tumanning “O’zbekiston” mahallasi “Namuna” ko‘chasi 5-xonadondagi samimiy suhbat orasida oila sohibi Rayimjon Normatovning tibbiy ko‘makka muhtojligi ayon bo‘ldi. O’tgan besh yildagi islohotlar hamda saylovoldi dasturning bosh maqsadi inson omilini oliy maqomga ko‘tarish, inson qadri uchun, inson salomatligi uchun, inson xavfsizligi uchun degan tamoyilni bosh maqsad qilgan nomzod tashviqotida charchamayotgan deputat shu kunning o‘zida fuqaroni viloyat onkologik kasalliklar dispanserida statsionar davolanishga yubordi.
Xalq noibi shahrixonlik saylovchilar bilan tashviqot tadbirlari davomida vakolati doirasida xalq ichiga chuqurroq kirishga, saylovoldi dastur afzalliklarini teranroq tushuntirishga harakat qilmoqda.
Zilola Rahmonova,
O’zLiDeP Andijon viloyat Kengashi
matbuot xizmati rahbari
O'xshash yangiliklar
-
Davlat dasturidan kelib chiqadigan partiya va fraksiya oldidagi vazifalar muhokama qilindi
26.02.2024, 21:34
-
Deputat maktab kutubxonasiga 100 dan ortiq badiiy asarlar va adabiyotlar tuhfa qildi
14.02.2024, 17:25
-
Muhim va ustuvor vazifalar belgilab olindi
31.01.2024, 17:53
-
“Ayollar daftari” bilan manzilli ishlashning shaffof mexanizmi yaratiladi
30.01.2024, 12:29
-
Deputat jarqo‘rg‘onlik tadbirkorlar muammosini o‘rgandi
30.01.2024, 10:11
Fikringizni qoldiring