Ishonchli vakilning pastdarg‘omlik saylovchilar bilan uchrashuvi ko‘tarinki ruhda o‘tdi
15.10.2021, 17:14
O’zbekiston Respublikasi Prezidentligiga Tadbirkorlar va ishbilarmonlar harakati - O’zbekiston Liberal-demokratik partiyasidan nomzod Shavkat Mirziyoyevning Samarqand viloyati bo‘yicha Ishonchli vakili Rustam Xolmurodovning Pastdarg‘om tumanida saylovchilar bilan uchrashuvi ko‘tarinki ruhda o‘tdi.
Unda mahalla, ta’lim, tibbiyot tizimi vakillari, kommunal sohasi faollari, nuroniylar va yoshlar ishtirok etishdi.
Tadbirda ishonchli vakil so‘zga chiqib, nomzodning siyosiy faoliyati haqida, o‘tgan 5 yilda mamlakatimizda Shavkat Mirziyoyev tomonidan ta’lim, sanoat, iqtisodiyot, xizmat ko‘rsatish, qishloq xo‘jaligi sohasi va tadbirkorlikni rivojlantirish bo‘yicha olib borgan islohotlari har bir yurtdoshlarimizning hayotida aks etayotganligini mamnuniyat bilan ta’kidladi. Tadbirda keyingi yillarda nomzodning qat’iy irodasi va yuksak tashkilotchilik salohiyati tufayli xalqni rozi qilish, kambag‘allikni kamaytirish vazifasi davlat siyosati darajasiga ko‘tarilganligini, ushbu muammoni yechishda o‘ziga xos yondashuv va ish uslublari shakllanganligini, “Temir daftar”, “ayollar daftari”, “yoshlar daftari” asosida aniq reja va dasturlar ishlab chiqilib, ijtimoiy himoyaga muhtoj fuqarolarga ko‘mak ko‘rsatilayotganligi alohida e’tirf etildi.
Uchrashuvda so‘zga chiqqanlar, keyingi yillarda mamlakatimizda ta’lim tizimiga qaratilgan keng ko‘lamli islohotlar bois Pastdarg‘omda maktabgacha ta’lim muasasalalari soni keskin ko‘payishi hisobiga bolalarni qamrab olish 80-90 foizga yetganligini, mahalla tizimiga berilayotgan e’tibor tufayli olis hududlardagi qishloqlarimizda yashash sifati yaxshilanayotganligi, tadbirkorlikka berilayotgan e’tibor bois chekka hududlarda ham ishchi o‘rinlari yaratilayotganligi tibbiyot tizimidagi islohotlar bois insonning qadri ulug‘lanayotganligini e’tirof etib, inson qadri, Vatan ravnaqi va farzandlar, yurt kelajagi uchun Shavkat Mirziyoyev nomzodini qo‘llab-quvvatlashini ma’lum qilishdi.
O’zLiDeP Samarqand viloyat Kengashi
matbuot xizmati
O'xshash yangiliklar
-
O‘zLiDeP Samarqand viloyat Kengashining yig‘ilishi bo‘lib o‘tdi
28.03.2024, 17:17
-
Tadbirkorlar qo‘llab-quvvatlanadi
28.03.2024, 17:16
-
Yoshlar o‘rtasida deputat kubogi uchun bahs olib borildi
28.03.2024, 17:11
-
Samarqandlik tadbirkorlarning muammo va takliflari o‘rganilmoqda
28.03.2024, 16:55
-
Quyi bo‘g‘inlarda hisobot – saylov yig‘ilishlari davom etmoqda
28.03.2024, 16:37
Fikringizni qoldiring