Barchangizga ma’lum, O’zbekiston  Respublikasi  Prezidenti sayloviga ham  sanoqli  kunlar  qoldi. Mazkur siyosiy jarayonda esa targ‘ibot-tashviqot ishlari ayni qizg‘in pallada o‘tmoqda. 

Ayni paytda joylarda Sh.Mirziyoyevning Qoraqalpog‘iston   Respublikasi bo‘yicha ishonchli vakili Abat Daniyarovning ham   saylovchilar bilan uchrashuvlari  davom  etmoqda.

Ana shunday uchrashuvlar Amudaryo, To‘rtko‘l, Beruniy, Ellikqal’a, Mo‘ynoq, Qo‘ng‘irot va Qonliko‘l tumanlarida ham ko‘taringki ruxda tashkil qilindi.

Jumladan, ishonchli vakil Amudaryo tumani Madaniyat saroyida saylovchilar bilan uchrashdi. Unda ishonchli vakil Abat Daniyarov  nomzodning saylovoldi dasturi bilan tanishtirdi. 

Prezidentlikka nomzodning saylovoldi dasturida ilgari surilgan tashabbuslar, puxta o‘ylangan rejalar, yangi g‘oya va fikrlarga, xususan Qoraqalpog‘iston Respublikasini ijtimoiy-iqtisodiy rivojlantirish, ayniqsa, qishloqlar infratuzilmasini zamon talablari darajasiga ko‘tarish, tibbiyot, ta’lim, energetika, madaniy-ma’rifiy, qishloq xo‘jaligi sohalari bo‘yicha belgilangan ustuvor vazifalarga alohida to‘xtalib o‘tdi.    

Prezidentlikka nomzodning saylovoldi dasturida belgilanganidek,  Qoraqalpog‘iston Respublikasi  qishloq xo‘jaligini ilmiy asosda intensiv rivojlantirish orqali dehqon va fermerlar daromadlari kamida 2  barobar  oshirilib, uning yillik  o‘sish sur’atlari esa kamida  5 foizga yetkazilishi, qishloq xo‘jaligida davlat aralashuviga barham berilib, erkin bozor munosabatlari joriy qilinishi, dehqonlar uchun subsidiyalar ajratilishi,  sohadagi klasterlar va fermerlar faoliyatini moliyalashtirish va sug‘urtalashning mutlaqo yangi mexanizmlari joriy qilinishi ko‘zda tutilayotgani haqida ta’kidlab o‘tildi.  

Uchrashuv  davomida  so‘zga  chiqqanlar  o‘zlari istiqomat qilayotgan mahallalar, mehnat qilayotgan sohalarini, oilalar va yoshlarni qo‘llab-quvvatlash borasida amalga oshirilayotgan  keng qamrovli ishlar misolida so‘nggi yillarda hayotimizdan mustahkam o‘rin olgan yangiliklar ijobiy o‘zgarishlarni misollar bilan  gapirdilar va barchani  joriy yilning 24 oktabr kuni bo‘lib o‘tadigan O’zbekiston Respublikasi Prezidenti saylovida O’zLiDeP ko‘rsatilgan nomzod Sh.Mirziyoyevni qo‘llab-quvvatlashga chaqirdilar.    

Qoraqalpog‘iston  Respublikasining eng chekka tumanlaridan biri Qo‘ng‘irot tumanida ham  ishonchli vakilning qo‘ng‘irotlik saylovchilar bilan uchrashuvi  muloqotlarga boy tarzda o‘tdi.

Unda ishonchli vakil nomzodning saylovoldi dasturi bilan tanishtirar ekan,  o‘tgan besh yil davomida olib borgan odilona siyosati ularoq eng avvalo inson manfaatini  hamma narsadan ustun  quydi.

O’zLiDeP Qoraqalpog‘iston Respublikasi

Kengashi matbuot xizmati