Tadbirkorlar anjumani islohotlarning yangi bosqichini boshlab beradi
21.02.2018, 16:53
Asaka tumanida O‘zLiDeP Andijon viloyat Kengashi tashabbusi bilan O‘zbekiston Savdo-sanoat palatasi hududiy bo‘limi va bir qator tashkilotlar hamkorligida “Prezident g‘oyalari bilan kelajak sari” shiori ostida tadbirkorlar anjumani o‘tkazildi.
Unda “2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini “Faol tadbirkorlik, innovatsion g‘oyalar va texnologiyalarni qo‘llab-quvvatlash yili”da amalga oshirishga oid Davlat dasturida to‘g‘risida”gi farmonda belgilangan vazifalar muhokama qilinib, kelgusidagi vazifalar belgilab olindi.
– Mazkur anjuman mamlakatimizda amalga oshirilayotgan tadbirkorlik islohotlarida yangi bosqichni boshlab berishiga ishonamiz, – deydi O‘zLiDeP Andijon viloyat Kengashi raisi Tohirjon Tolipov. – Ochig‘i, tadbirda ishtirok etgan ishbilarmonlar anjumanga qadar ham tadbirkorlik borasidagi fikr-mulohazalarini bir-birlari bilan o‘rtoqlashayotganliklarini ko‘rib, bu yo‘nalishda salmoqli vazifalar ijrosi oldimizda turganini his qildim. Mazkur anjuman ishtirokchilarining mamlakatimizda faoliyat yuritayotgan barcha tadbirkorlarga murojaati, ayniqsa, ishbilarmonlik muhitida yashayotgan tadbirkorlarimiz uchun qulay, istiqbolli, ilg‘or dasturilamal bo‘ldi, desam yanglishmaymiz.
Tadbir so‘nggida O‘zLiDeP Andijon viloyat Kengashi tashabbusi bilan o‘tkazilgan faol tadbirkorlar anjumani bo‘yicha fikr-mulohazalar bildirilib, ushbu anjumanni har yilda bir marotaba o‘tkazishga kelishib olindi.
O‘zLiDeP Andijon viloyat
Kengashi matbuot xizmati
O‘zLiDePning Facebook’dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!
O'xshash yangiliklar
-
Xizmat ko‘rsatish salmog‘i ortmoqda
17.01.2024, 16:31
-
140 turdagi mebel mahsulotlari ishlab chiqarayotgan O’zLiDeP faolining yillik daromadi 11,4 mlrd. so‘mni tashkil etadi
06.10.2023, 14:02
-
Deputatlar tadbirkorlarning takliflarini o‘rgandi
29.09.2023, 15:47
-
Tadbirkorlar muvaffaqiyatga erishish sirlari bilan o‘rtoqlashdi
22.09.2023, 15:22
-
Deputatlar va tadbirkorlar muloqotida qilingan murojaatlar nazoratga olindi
21.09.2023, 17:22
Fikringizni qoldiring