Chirchiqlik yoshlar deputat bilan uchrashuvda muammo, taklif va mulohazalarini muhokama qilishdi
12.11.2021, 16:37
Tadbirkorlar va ishbilarmonlar harakati – O’zbekiston Liberal-demokratik partiyasi Toshkent viloyati Kengashi Yoshlar bilan ishlash bo‘limi tomonidan “Deputat va Yoshlar” uchrashuvi o‘tkazildi.
O`zLiDeP tashkil topganining 18 yilligi munosabati bilan hamda Yoshlar haftaligi doirasida o‘tkazilgan uchrashuvda Oliy Majlis Qonunchilik palatasi va mahalliy Kengashlardagi partiya deputatlari, “Yoshlar qanoti” faollari ishtirok etishdi.
O’rta Chirchiq tumani 3-ixtisoslashtirilgan maktabning faollar zalida o‘tkazilgan tadbirni Oliy Majlis Qonunchilik palatasining deputati Viktor Pak ochib berdi.
Qizg‘in va samimiy ruhda o‘tgan uchrashuvda Yangi O’zbekiston bunyodkorlari mamlakatni qanday qurishmoqchi, o‘zlarini namoyon etishlari, ro‘yobga chiqishlarida yaratilishi lozim bo‘lgan zaruriy sharoitlar borasidagi fikr-mulohazalari bilan o‘rtoqlashishdi.
Viloyatda yashovchi yoshlar vakillari o‘zlarini qiynab kelayotgan muammo, taklif va mulohazalarini deputatlar bilan kechgan muloqot jarayonida bevosita muhokama qilishdi.
O’z tadbirkorlik faoliyatlarini boshlashlari va yuritishlarida kerak bo‘ladigan uslubiy tavsiyalarga ega bo‘lishdi.
Muloqot uchrashuvida jamiyat hayotida faol qatnashayotgan bir guruh yoshlar O`zLiDeP viloyat Kengashining tashakkurnoma va esdalik sovg‘alari bilan taqdirlanishdi.
Tadbir so‘nggida partiya bundan buyon ham o‘z saflarida maqsadga intiluvchan, shijoatli, tashabbuskor yigit va qizlarni – yangi avlod vakillari, jamiyat va davlatning barqaror rivojlanishi, izchil va jadal rivojlanayotgan, erkin va gullab-yashnayotgan demokratik davlatni barpo etish vazifalarini amalga oshirishga qodir yangi davr kadrlarini birlashtirishga yo‘naltirilgan faol ishlarni olib borishi ta’kidlandi.
Zuxro Mirzohamdamova,
O`zLiDeP Toshkent viloyat Kengashi
matbuot xizmati
O'xshash yangiliklar
-
Qo‘rg‘ontepada qishloq xo‘jaligiga mo‘ljallangan yerlardan samarali foydalanish holati tahlil qilindi
26.01.2024, 16:23
-
Deputat ko‘magida aholi xonadonlariga ichimlik suvi yetib bormoqda
26.01.2024, 11:59
-
Deputatlik eshituvi tanqidiy-tahliliy ruhda o‘tdi
26.01.2024, 11:58
-
Boshqarma boshlig‘ining hisoboti eshitildi
25.01.2024, 15:34
-
Zominlik deputatlar tuman elektr tarmoqlari korxonasi rahbarining hisobotini eshitdilar
23.01.2024, 15:15
Fikringizni qoldiring