Deputat tashabbusi bilan mahallaga yangi yuqori kuchlanishli transformator o‘rnatildi

22.11.2021, 16:58

Deputat tashabbusi bilan mahallaga yangi yuqori kuchlanishli transformator o‘rnatildi

Izboskan tumani, “Yangiobod” mahallasi ahli elektr ta’minotidagi uzilishlardan zada bo‘lgan. Ayniqsa, havo harorati pasayishi bilan bu uzilishlar ko‘payib, kattayu kichikning umumtashvishiga aylanadi-qoladi.

Mazkur hududdan xalq deputatlari tuman kengashi deputatligiga saylangan O’zLiDeP deputati Naimaxon No‘‘monovaning qariiyb ikki yillik sa’y-harakatlaridan so‘ng mahallaga yangi yuqori kuchlanishli transformator o‘rnatildi.

-Deputatimizga rahmat, - deydi shu mahallada istiqomat qiluvchi Sh.Rustamova. – Biz uchun jonkuyarlik bilan yelib-yugurdi. Murojaatimizni aro yo‘lda tashlab qo‘ymay, oxirigacha bordi. Har yili elektr uzilishlaridan qish kelsa bezillardik. Mana endi qish mavsumini shu muammosiz o‘tkazamiz.

Ikki yildan buyon ana-mana bilan ortga surilayotgan muammo yechimi joriy yilga “atalgan” ekan. Bugun saylovchilarning mamnunligini ko‘rib deputat ham yengil tortgani shundan.

Zilola RAHMONOVA,

O’zLiDeP Andijon viloyat Kengashi

matbuot xizmati xodimi

  • Ko'rildi
    47
  • Chop etish
  • Do'stlar bilan ulashish
← Orqaga qaytish

Fikringizni qoldiring

+