Jizzaxlik gulchi Sharofat opa payariqlik xotin-qizlar uchun mahorat darsi tashkil qildi
01.12.2021, 11:22
Xushxabarning qanoti bo‘ladi, deyishadi. Ommaviy axborot vositalarida hamda ijtimoiy tarmoqlarda, jumladan, partiyamizning rasmiy saytida bir necha marta faoliyati keng yoritilgan “Olmachi” mahalla fuqarolar yig‘ini hududi bo‘yicha hokim yordamchisi, xalq deputatlari Sharof Rashidov tuman Kengashidagi Tadbirkorlar va ishbilarmonlar harakati – O’zbekiston Liberal demokratik partiyasi deputatlik guruhi a’zosi, “Xolmo‘minov Zohid” ko‘p tarmoqli fermer xo‘jaligi hamda Gulchi opa va tomorqa xizmati klasteri rahbari Sharofat Noriyeva boshchiligidagi Olmachiliklarning amalga oshirayotgan ishlariga butun respublikamizda qiziqish ortib bormoqda.
Mazkur obodonchilik, tomorqachilik va tadbirkorlik faoliyatida O’zLiDeP Jizzax viloyat Kengashi “Yoshlar qanoti” guruhi a’zolari ham faol ishtirok etmoqda. E’tiborlisi, xayrli tashabbusga qo‘shni Samarqand viloyati, Payariq tumani xotin-qizlari ham qo‘shilishga qaror qildilar.
Partiya “Yoshlar qanoti” guruhi faollari Payariqdan tashrif buyurgan 30 nafarga yaqin xotin-qizlarga, dugonalariga tomorqa faoliyatini rivojlantirish va gulchilik sir-asrorlari bo‘yicha o‘z tajribalarini bajonidil o‘rgatdilar. Shuningdek, tashrif davomida tadbirkor Sharofat Noriyeva tomonidan mahorat darslari o‘tildi.
Xolbek Asatov,
O’zLiDeP Jizzax viloyat Kengashi
Yoshlar bilan ishlash bo‘limi mudiri
O'xshash yangiliklar
-
O‘zLiDeP “Ayollar qanoti” loyihalari orqali ishsiz xotin-qizlar tadbirkor bo‘lyapti
09.04.2024, 19:52
-
Qoratepalik Matluba opa tomorqasidan har yili 30 million so‘m daromad qilmoqda
09.04.2024, 19:49
-
Xotin-qizlarning iqtisodiy, ijtimoiy va siyosiy faolligini oshirishga eʼtibor yana-da kuchaygan
31.03.2024, 10:51
-
Mahalladagi xotin-qizlarning muammo va takliflari o‘rganildi
01.03.2024, 22:01
-
Gulchi opa mahalla xotin-qizlariga o‘z tajribasini ommalashtirdi
24.02.2024, 12:22
Fikringizni qoldiring