Nufuzli maktabga e’tibor shumi?
02.12.2021, 15:44
Bugun biz, deputatlardan xalqning ichiga kirib, muammolarni aniqlash, ularni hal etish bo‘yicha mutasaddi idoralarga murojaat bilan chiqish va uni nazoratga olish talab etilmoqda.
Shu munosabat bilan men o‘zim saylangan Chust tumanidagi Varzik MFYda bo‘ldim. Bunda tanlov asosida bitta tibbiyot muassasasi, maktab, maktabgacha ta’lim tashkiloti, «Mehribonlik» va «Saxovat» uylari faoliyati bilan yaqindan tanishdim. Odamlar bilan suhbatlashdim. Ular bugun olib borilayotgan xalqchil siyosatni e’tirof etganlari holda qishloqdagi ayrim muammolarni ham yashirmasdan ochiq-oydin aytishdi. Xususan, shu qishloqdagi 13-sonli umumiy o‘rta ta’lim maktabidagi kamchiliklarga alohida e’tiborni qaratishdi. Men ularning e’tirozlaridan kelib chiqib ushbu ta’lim maskaniga borib, holat bilan tanishdim. Hozirda maktabda 82 nafar pedagog xodim faoliyat olib bormoqda. Ulardan 2 nafari “Xalq ta’limi a’lochisi” ko‘krak nishoni sohibasi. 7 nafari oliy toifali, 18 nafari 1-toifali pedagoglar 706 nafar o‘quvchilarga ta’lim-tarbiya bermoqda. Ta’lim tojik va o‘zbek tillarida olib boriladi.
Bu o‘quv yilida 58 nafar qo‘uvchi bitirib, ulardan 23 nafari oliy ta’lim muassasasi talabasi bo‘ldi. 11-sinf o‘quvchisi Fotima Kenjabayeva tojik tili va adabiyoti fanidan fan olimpiadasining respublika bosqichida faol qatnashdi.
Maktabning 9 va 11 sinf o‘quvchilari Maxfuza va Binafsha To‘ychiboyeva insholar tanlovining respublika bosqichida faxrli 1- va 2-o‘rinni qo‘lga kiritishgan. Fan olimpiada natijalariga muvofiq maktab tumanda 3 ta ixtisoslashgan maktablardan keyin 4- o‘rinni egallagan. Maktab sobiq bitiruvchilari orasida fan nomzodlari, professor o‘qituvchilar bor. Jumladan tarjimon, yozuvchi, dramaturg va akademik Sotim Ulug‘zoda, Mutilla Najmiddinov, matematika fanlari nomzodi, professor Riqsiboy Ibragimov, G’.Yuldashev, O’zbekiston xalq artisti Matluba Dadaboyevalar ham shu maktabda ta’lim-tarbiya olishgan. Qishloq madaniyat markazida shu maktabning ilk qaldirg‘ochlaridan biri, tarjimon, yozuvchi, dramaturg va akademik Sotim Ulug‘zodaning 110 yilligi nishonlandi. Unda Tojikiston Respublikasinig O’zbekistondagi muxtor elchisi Abdujabbor Rahmonzoda, Tojikiston Respublikasi Sug‘d viloyati Asht tumani hokimi Mirdado Zarif Muhammadiy, Respublika ta’lim markazi vakillari ishtirok etishdi.
Lekin respublikada o‘z o‘rniga, nufuziga ega bo‘lgan maqomga ega bo‘lgan, shunday iqtidorli o‘quvchilar o‘qiydigan, tajribali ustozlar ishlaydigan bu maktab o‘ta ayanchli holatga kelib qolgan. O’quvchilarning bilim olishi va o‘qituvchilarning zamonaviy bilim berishiga umuman sharoitlar mavjud emas. Sababi o‘quv binolari 1960 yilda qurilgan bo‘lib, hozirda juda ta’mirtalab holatga kelib qolgan. Maktab garchi 2006 yilda kapital ta’mirga tushgan bo‘lsada, “Binokor” qurilish tashkiloti tomonidan o‘ta sifatsiz holatda ta’mirlangan. O’quv binolarining tom qismi va deraza oynalari almashtirilmasdan qolib ketgan. Boshlang‘ich sinf o‘quvchilari ta’lim oladigan 3-o‘quv binosidan zax chiqib ketganligi uchun devorlar karton bilan qoplangan. Maktabni isitish tizimi mutlaqo talabga javob bermaydi. Hozirgi kunda o‘quvchilar sovuq xonalarda o‘qishga majbur bo‘lmoqda. Shuning uchun o‘quvchilar orasida shamollash kasalligi ko‘p, natijada davomat ham qoniqarsiz ahvolda. O’quv binolarini yorug‘lik bilan ta’minlaydigan kabellar ham yaroqsiz holatda. Maktab oshxonasi, sport zali ham ta’mirtalab, issiqlik manbaiga ulanmagan.
Men ushbu holat yuzasidan tegishli idoralarga murojaat qildim. O’ylaymanki, mutasaddi tashkilotlarning rahbarlari nufuzli ta’lim dargohidagi bu kamchiliklarni bartaraf etish yuzasidan choralarni ko‘radilar.
Nuriddin SULTONOV,
Oliy Majlis Qonunchilik palatasi deputati
O'xshash yangiliklar
-
Davlat dasturidan kelib chiqadigan partiya va fraksiya oldidagi vazifalar muhokama qilindi
26.02.2024, 21:34
-
Deputat maktab kutubxonasiga 100 dan ortiq badiiy asarlar va adabiyotlar tuhfa qildi
14.02.2024, 17:25
-
Muhim va ustuvor vazifalar belgilab olindi
31.01.2024, 17:53
-
“Ayollar daftari” bilan manzilli ishlashning shaffof mexanizmi yaratiladi
30.01.2024, 12:29
-
Deputat jarqo‘rg‘onlik tadbirkorlar muammosini o‘rgandi
30.01.2024, 10:11
Fikringizni qoldiring