Konstitutsiya – huquq va erkinligimiz kafolati
07.12.2021, 15:24
O’zbekiston Respublikasining Konstitutsiyasi xalqimiz siyosiy-huquqiy tafakkurining yuksak namunasidir. U hech kimga qaram bo‘lmasdan, erkin va ozod, tinch va osoyishta, farovon yashashning qonuniy kafolati bo‘lib kelmoqda. Mustaqil taraqqiyot yillarida Konstitutsiyamiz yurtimizda huquqiy demokratik davlat, kuchli fuqarolik jamiyati, erkin bozor munosabatlari va xususiy mulk ustuvorligiga asoslangan iqtisodiyotni qurish, xalqimiz uchun tinch, obod va farovon hayot barpo etish, O’zbekistonning xalqaro maydonda munosib o‘rin egallashida mustahkam poydevor bo‘lib xizmat qilmoqda. Ushbu tantanali bayram bugun Respublikamiz bo‘ylab keng nishonlanmoqda.
O’zLiDeP Toshkent shahar Kengashi Yoshlar bilan ishlash bo‘limi va O’zbekiston davlat san’at va madaniyat instituti hamkorlikda sana munosabati bilan madaniy-ma’rifiy tadbir tashkil etildi. Tadbir avvalida partiyaga a’zo bo‘lgan bir guruh talabalarga tantanali ravishda partiya guvohnomasi va esdalik sovg‘alar topshirildi. So‘ngra, ishtirokchilarga Konstitutsiyamizning yaratilish tarixi, uning demokratik huquqiy davlat barpo etish va inson manfaatlarini ta’minlashdagi ahamiyati, Bosh qomusimizning xalqchilligi, xalqaro huquq normalariga mosligi haqida atroflicha ma’lumot berildi. “Konstitutsiya – huquq va erkinliklarimiz, farovonligimiz kafolati”, “O’zbekiston Konstitutsiyasi – barqaror Konstitutsiya” mavzularida ma’ruzalar tinglandi.
Tadbir O’zbekiston davlat san’at va madaniyat institutining talabalari tomonidan tayyorlagan konsert dasturiga ulanib ketdi.
O'xshash yangiliklar
-
Talaba-yoshlarning partiya loyihalariga qiziqishi ortmoqda
09.04.2024, 19:25
-
Nukuslik yoshlarning moliyaviy savodxonligi oshirildi
31.03.2024, 09:59
-
Yoshlarning moliyaviy savodxonligi oshirildi
16.03.2024, 14:44
-
Deputat talabalarning ta’lim va ish bilan bandlik yo‘nalishidagi muammolari bilan qiziqdi
07.03.2024, 10:56
-
Maktab bitiruvchilari yoshlar kichik sanoat zonasi faoliyati bilan tanishdi
01.03.2024, 22:13
Fikringizni qoldiring