Fermerligimdan faxrlanib ketdim...
16.12.2021, 15:47
Yaxshi so‘z jon ozig‘i deyishadi. Qarang, shuncha yil fermer bo‘lib, dala kezib, traktor haydab, ne-ne qahratonu garmsellarda jonimizni jabborga berib ishladigu bir shirin so‘z eshitmabmiz-ey! Faqat “plan”, “paxta” “majburiyat” “razbor” kabi so‘zlarni eshitaverib, diydamiz qotib ketgan ekan. Prezidentimizning bizni qadoq qo‘lli, fidoyi va jonkuyar fermerlar deb atashining o‘ziyoq, dilimni yayratib yubordi. Barcha charchoqlarim tarqab ketdi.
Muborak tumanini bilasiz, qishi izg‘irin, yozi issiq, suv tanqis, uning ustiga garmsellar paxta yoki g‘allaning sillasini quritib yuboradi. Bunday og‘ir sharoitda ishlagan dehqonni bir og‘izgina shirin so‘z qalbini yayratib yuboradi.
Prezidentimiz bot-bot takrorlaganidek, endilikda fermer ko‘ptarmoqli bo‘lishi lozim. Hozirgi kunda menga chorva ham, bog‘ ham bor. Buyog‘ini so‘rasangiz 5 gektar tarvuz, 5 gektar qovun, 5 gektar piyoz, 5 gektar sabzi ekib, ichki bozor to‘kinligiga hissa qo‘shib kelayapman. 350 bosh qo‘y, 50 bosh qoramol, pilla uchun ozuqa – tut plantatsiyalari, biolabarotoriya ham mavjud.
Ayol boshingiz bilan sizga shuncha tashvish nimaga kerak, deyishadi, ba’zi kishilar. Ularga qarata: agar el yukiga yelka tuta olmasang, yurt taraqqiyotiga ozgina bo‘lsa-da, hissa qo‘sha olmasang, dunyoga kelding nimayu, kelmading nima deyman.
Nodira Berdiyeva,
Muborak tumanidagi “Husainov Normurod To‘ramurodovich”
fermer xo‘jaligi rahbari,
O’zLiDeP “Ayollar qanoti” faoli.
O'xshash yangiliklar
-
O‘zLiDeP “Ayollar qanoti” loyihalari orqali ishsiz xotin-qizlar tadbirkor bo‘lyapti
09.04.2024, 19:52
-
Qoratepalik Matluba opa tomorqasidan har yili 30 million so‘m daromad qilmoqda
09.04.2024, 19:49
-
Xotin-qizlarning iqtisodiy, ijtimoiy va siyosiy faolligini oshirishga eʼtibor yana-da kuchaygan
31.03.2024, 10:51
-
Mahalladagi xotin-qizlarning muammo va takliflari o‘rganildi
01.03.2024, 22:01
-
Gulchi opa mahalla xotin-qizlariga o‘z tajribasini ommalashtirdi
24.02.2024, 12:22
Fikringizni qoldiring