Qishloq oilaviy poliklinikalari zamonaviy tibbiy asbob-uskuna va jihozlar bilan ta’minlanadi
23.02.2018, 17:38
Joriy yilda yurtimizda tibbiy yordam tizimini yanada takomillashtirish va tibbiy xizmat sifatini oshirish bo‘yicha ishlar izchil davom ettiriladi. Xususan, aholini arzon narxlardagi sifatli dori vositalari bilan ta’minlaydigan 2 mingta ijtimoiy dorixona tashkil etish rejalashtirilgan. 793 ta qishloq oilaviy poliklinikasini zamonaviy tibbiy asbob-uskunalar hamda davlat sanitariya-epidemiologiya nazorati markazlarining sanitariya-gigiyena laboratoriyalarini zamonaviy jihozlar bilan ta’minlash kabi chora-tadbirlar belgilangan.
Bu haqda O‘zLiDeP Jizzax viloyat Kengashi tomonidan Paxtakor tumanida Davlat dasturida belgilangan ustuvor vazifalar ijrosini ta’minlash maqsadida tashkil etilgan tadbirda alohida ta’kidlandi.
– Yaqinda nafaqaga chiqdim, – deydi tuman dispanser vrachi Vasila Suvonqulova. – Kasbimni yaxshi ko‘rganim tufayli hozir ham ishlab, yoshlarga o‘z tajribamni o‘rgatib kelyapman. Buning ustiga, tumanimiz kasalxonalarida mutaxassis kadrlar yetmaydi. Prezidentimiz farmoni bilan nafaqaga chiqib ishlaydigan xodimlarga ish haqi va nafaqalar to‘liq miqdorda berilishi, ochig‘i, bizni juda quvontirdi.
Tadbirda bugungi kunda barcha sohalarda bo‘layotgani kabi tibbiyot sohasida ham aholi salomatligi yo‘lida keng ko‘lamli islohotlar boshlab yuborilgani, bu islohotlar zamirida “Inson manfaatlari – hamma narsadan ustun” degan ezgu g‘oya mujassam ekanligi ta’kidlandi.
O‘zLiDeP Jizzax viloyat
Kengashi matbuot xizmati
O‘zLiDePning Facebook’dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!
O'xshash yangiliklar
-
Ona tilim o‘lmaydi
18.10.2023, 17:36
-
Yangi tahrirdagi Konstitutsiya o‘qitilmoqda, o‘rganilmoqda
05.09.2023, 16:36
-
Referendumda O`zLiDePdan ishtirok etadigan kuzatuvchilar uchun o‘quv-seminar o‘tkazilmoqda
18.04.2023, 17:28
-
Deputatlar faoliyatini jonlantirishga qaratilgan amaliy seminar o‘tkazildi
27.01.2023, 18:11
-
O’quv-seminarning navbatdagisi Murojaatnomada xotin-qizlar yo‘nalishidagi ustuvor vazifalarga bag‘ishlandi
27.01.2023, 18:08
Fikringizni qoldiring