Xalq  deputatlari Taxtako‘pir tuman Kengashidagi O’zLiDeP deputatlik guruhi a’zosi Quat Yelmuratov 19-sonli umumta’lim maktabida o‘z saylovchilari  bilan  uchrashdi. 

Uchrashuvda  mutasaddi  tashkilot vakillari, mahalla faollari  ishtirok etdi.  Xalq vakili o‘z saylovchilariga o‘tgan yilda olib borilgan ishlari bo‘yicha hisobot berib o‘tdi. Ayniqsa deputatlik faoliyati davomida saylovchilar muammo va takliflarini  tinglash, ular bilan yuzma-yuz muloqot qilish orqali ularni o‘rganib chiqish va bartaraf etish borasida amalga oshirilgan ishlar, shuningdek  “Temir daftar”, “Ayollar daftari” va “Yoshlar daftari”  bo‘yicha olib borilgan ishlar sarhisob qilindi.

Bundan tashqari uchrashuvda saylovchilarning muammo va takliflari ham tinglandi. Jumladan, saylovchilar tomonidan ishsizlik masalasi, chet elga chiqish uchun  fuqarolik pasportini olishda,  shuningdek  ta’lim  kreditini  olish bo‘yicha  murojaatlar qilindi. Ko‘tarilgan ayrim masalalar bo‘yicha shu yerning o‘zida kerakli tavsiya va  ma’lumotlar berilgan bo‘lsa, ayrimlarini deputatlik vakolati doirasida o‘rganib chiqishga va nazoratga olishga kelishib olindi.

Saylovchilar bilan uchrashuvi davomida 2022 yil - "Inson  qadrini  ulug‘lash  va faol mahalla yili" da qilinishi kerak bo‘lgan vazifalar  ham belgilab olindi.  

O’zLiDeP Qoraqalpog‘iston Respublikasi

Kengashi matbuot xizmati