Taraqqiyot strategiyasi loyihasi korxona ishchi yoshlari orasida ham muhokama qilindi

11.01.2022, 16:21

Taraqqiyot strategiyasi loyihasi korxona ishchi yoshlari orasida ham muhokama qilindi

Ellikqal’a tumanidagi "BO'STON MEGA TEKSTIL" MChJ kalava ipi,  djinsi va yumshoq sochiq mahsulotlari ishlab chiqarib, eksport ham qilinmoqda. Hozirda korxonada 850 nafar ishchi xodimlar doimii ish bilan band.

O’tgan yilning o‘zida  4111 tonna kalava ipi va 60 ming p/m djinsi va yumshoq sochiq mahsulotlari ishlab chiqarildi, shundan 2931,1 tonna kalava ipi va yumshoq sochiq mahsulotlari, qiymati 7581 ming AQSh dollariga teng mahsulot Rossiya, Xitoy, Turkiya, Azarbayjan, Ukraina davlatlariga eksport qilindi. 

 O’zLiDeP Ellikqal’a tuman Kengashi apparat rahbari Dilbar Sharipova, Xalq deputatlari Ellikqal’a tuman Kengashidagi O’zLiDeP deputatlik guruhi a’zosi Ergash Allabergenov mazkur korxonada faoliyat yuritayotgan yoshlar bilan muloqot qilish maqsadida ular bilan uchrashdi.

Xalq vakili yoshlarga mamlakatimiz tomonidan yaratilayotgan imkoniyatlar, yoshlarga oid davlat siyosati doirasida  amalga oshirilayotgan ishlar, joriy yilning “Inson qadrini ulug‘lash va faol mahalla yili” da amalga oshiriladigan davlat dasturi va “Yangi O’zbekistonning 2022-2026 yillarga mo‘ljallangan taraqqiyot strategiyasi to‘g‘risida”gi Prezidentimizning Farmon loyihasining mazmun-mohiyatini tushuntirib o‘tdi.   

Mazkur Farmon loyihasi 7 ta ustuvor yo‘nalishdan iborat bo‘lib, unda jami 94 ta maqsadli vazifalar qamrab olingan hamda kelgusi 2022-2026 yillar davomida mamlakatimizdagi deyarli  barcha  sohalarni har tomonloma isloh qilish va yanada rivojlantirish yuzasidan keng ko‘lamli ishlar belgilanganligini ta’kidlab o‘tdi.

Deputat korxonadagi yoshlar bilan ochiq muloqot qilar ekan, yoshlar orasida kitobxonlikni yanada rivojlantirish, ularning kitobga bo‘lgan qiziqish va intilishlarini yanada orttirish maqsadida kitoblar  to‘plami sovg‘a qilindi.

O’zLiDeP  Qoraqalpog‘iston Respublikasi

Kengashi matbuot xizmati  

  • Ko'rildi
    60
  • Chop etish
  • Do'stlar bilan ulashish
← Orqaga qaytish

Fikringizni qoldiring

+