Farmon loyihasi muhokamasida partiya quyi bo‘g‘inlari ham faol ishtirok etmoqda

11.01.2022, 16:24

Farmon loyihasi muhokamasida partiya quyi bo‘g‘inlari ham faol ishtirok etmoqda

Barcha tashkilotlarda bo‘lgani kabi O’zLiDeP Toyloq tuman Kengashi quyi bo‘g‘inlarida ham Prezidentimizning “Yangi O’zbekistonning 2022–2026 yillarga mo‘ljallangan taraqqiyot strategiyasi to‘g‘risida”gi farmoni loyihasi yuzasidan davra suhbatlari tashkil etilmoqda.

Jumladan, shunday davra suhbatlaridan biri tuman xalq ta’limi bo‘limi qoshidagi partiya boshlang‘ich tashkilotida tashkil etildi.

Hozirgi kunda 500 dan ortiq partiya a’zolirini birlashtirgan bu bo‘g‘inda faol pedagoglar, oliy toifali ustoz murabbiylar faoliyat yuritishadi.

“Harakatlar strategiyasidan – Taraqqiyot strategiyasi sari” tamoyili asosida keyingi besh yillikda mamlakatimizda amalga oshiriladigan islohotlarning zarur siyosiy-huquqiy, ijtimoiy-iqtisodiy va ilmiy-ma’rifiy asoslarini yaratib berishga qaratilgan, - deydi O’zLiDeP Toyloq tuman Kengashi raisi Z.Avazov

Farmon loyihasida Adolatli ijtimoiy siyosat yuritish, inson kapitalini rivojlantirish yo‘nalishida 55 ta chora-tadbir belgilan bo‘lib, unga ko‘ra maktabgacha ta’limning qamrov darajasini 67 foizdan 80 foizga yetkazish, nodavlat bog‘chalarga va maktablarga farzandini yuborayotgan ota-onalarning 3 mln so‘mgacha to‘lovlarini daromad solig‘idan ozod etilishi hamda maktablarni rivojlantirish milliy dasturini joriy etish orqali xalq ta’limi tizimida qo‘shimcha 1,2 million o‘quvchi o‘rni yaratish hamda darsliklarni yangilash uchun Davlat budjetidan 605 mlrd so‘m ajratilishi  ko‘zda tutilgani qo‘yilgan maqsadga erishishda muhim ahamiyat kasb etadi.

Tadbir yakunida faol a’zolarimiz loyihani qo‘llab-quvvatlagan holda,  elektorat manfaatlarini inobatga olib, muhokamalarda takliflar bildirib o‘tishdi.

Kamola Axmedjanova,

O’zLiDeP Samarqand viloyat Kengashi

BPT lar bilan ishlash guruhi rahbari

  • Ko'rildi
    52
  • Chop etish
  • Do'stlar bilan ulashish
← Orqaga qaytish

Fikringizni qoldiring

+