Vatanni ulug‘lash oliy qadriyat

13.01.2022, 11:28

Vatanni ulug‘lash oliy qadriyat

14 yanvar – Vatan himoyachilari kuni munosabati bilan O’zLiDeP Kegeyli tuman Kengashi tomonidan  tumanidagi   “Vatanparvar” boshlang‘ich partiya tashkilotida “Vatanni ulug‘lash oliy qadriyat” mavzusida ma’naviy-ma’rifiy bayram tadbiri tashkil qilindi.   

Unda so‘z olganlar O’zbekiston Respublikasi Qurolli Kuchlari  tashkil etilganligining 30 yilligi hamda Vatan himoyachilari kuni bayrami bilan  tabriklab, davlatimiz tomonidan Milliy armiyamizga qaratilayotgan e’tibor, mamlakatimiz barqarorligi va xavfsizligini, sarhadlarimiz daxlsizligini xalqimizning tinch va osoyishta hayotini ishonchli himoya qilishda, Ona vatanimizning tinchligi, xalqimizning farovon turmush kechirishida  milliy armiyamizning tutgan o‘rni katta ekanligini qayd etishdi.   

Tadbirda O’zbekiston Respublikasi Prezidentining “Yangi O’zbekistonning 2022-2026 yillarga mo‘ljallangan taraqqiyot strategiyasi to‘g‘risida”gi farmoni loyihasining ahamiyatini ham tushuntirib o‘tildi.  Mazkur Farmon loyihasi yetti ustuvor yo‘nalishdan iborat bo‘lib,  Taraqqiyot strategiyasining barcha yo‘nalishlari aholi farovonligi, inson qadrini ulug‘lash g‘oyasi mujassam ekanligi, Taraqqiyot strategiyasida kelgusi besh yillikdagi barcha sohalarni yangi bosqichga olib chiqish, xususan, fuqarolik jamiyatini rivojlantirish, sud-huquq, iqtisodiyot, qishloq xo‘jaligi, ta’lim, sog‘liqni saqlash, tashqi siyosat borasida qator yangi marralarni zabt etish ko‘zda tutilgani qayd etildi.  

Shuningdek Kegeyli tumani Mudofaa bo‘limida mamlakatimiz tinchligi  va  xalq farovonligi yulida xizmat qilib kelayotgan  shifokor ayol Reymbayeva Zlixa Amanbay qizi Tashakkurnoma bilan taqdirlandi.

O’zLiDeP Qoraqalpog‘iston Respublikasi

Kengashi matbuot xizmati

Teglar
BPT
  • Ko'rildi
    677
  • Chop etish
  • Do'stlar bilan ulashish
← Orqaga qaytish

Fikringizni qoldiring

+