O’zLiDeP Qoraqalpog‘iston Respublikasi Kengashi “Yoshlar qanoti” tashabbusi bilan O’zbekiston Respublikasi Qurolli kuchlari tashkil qilinganiga 30 yil to‘lishi hamda 14 yanvar - Vatan himoyachilari kuni bayrami munosabati bilan “Vatan himoyasi muqaddas burch” shiori ostida Berdaq nomidagi Qoraqalpoq davlat universitetida ma’naviy tadbir tashkil qilindi.

Ta’kidlash kerakki, milliy armiyamizning kuch-qudrati azmu shijoatli va har ishda yetuk salohiyatli harbiy xizmatchilarimizning, bag‘rikeng va olijanob xalqimizning birligi va hamjihatligidadir.

Bu haqiqatni  bugungi kunda har qachongidan ham chuqur his etmoqdamiz.  Vatanimizning xavfsizligi, yurtimiz tinchligi, xalqimiz osoyishtaligi Qurolli Kuchlarimiz tomonidan ishonchli tarzda ta’minlanmoqda.

 Milliy armiyamizda xizmat qilish O’zbekiston  fuqarolari uchun  nafaqat   konstitutsiyaviy burch, ayni paytda  tom ma’nodagi shon-sharaf  ishiga aylanganligi ham ayni haqiqat.

Uchrashuvda so‘zga chiqqanlar Vatanni himoya qilish barcha uchun muqaddas burch ekanligi, bu burchni ado etishda yurtimizning  himoyachilari bo‘lgan milliy  armiyamiz va barcha  huquqni  muhofaza qiluvchi organlari tomonidan xalqimizning tinch va osoyishta hayotini ta’minlashda olib borayotgan xizmatini munosib baholash hamda ularga zarur-sharoit yaratish masalalari ham davlatimiz siyosatining muhim yo‘nalishlaridan biri ekanligi  qayd qilindi.    

Uchrashuv  davomida  bayram munosabati bilan bir qator afg‘on urushi qatnashchilariga partiya tomonidan tashakkurnoma va esdalik sovg‘alari topshirildi.

O’zLiDeP Qoraqalpog‘iston Respublikasi

Kengashi matbuot xizmati