Xalq deputatlari Andijon viloyat kengashidagi O’zLiDeP deputatlik guruhi a’zolari “Deputat mahallada" loyihasi doirasida jismi zaif, ammo qalbi butun yurtdoshlarimizning nafaqat xonadonlari, balki ko‘ngil sarhadlariga tashriflar davom etmoqda.

Yosh bo‘lishiga qaramay, serg‘ayrat va saxiydilligi bilan el nazariga tushgan  faol deputat Sherzodbek Abdujaminov o‘zi saylangan  6-"Bunyodkor" saylov okrugi hududidagi "Maydonbozor" mahallasida yashovchi nogironligi bor xonadonlarda sahovat-xayriya tadbirlarini olib bordi.

- Savob ishni har kim, har kuni qilish kerak. Ularga bir qur nazar, zarra e’tibor bilan kamayib qolmaymiz. Ishlarimizning barakasi ham ana shu mehrimizga ilhaq odamlarning duolarida, deb o‘ylayman, - deydi  deputat.

Zero, bu el ana shunday himmati balandlar bilan hamnafas ekan, “hech kim e’tibordan chetda qolmaydi”.

Ko‘ngillar ziyorati davomida "Maydonbozor" mahallasidagi 86 yoshni qarshilagan onaxon Tursinxon aya Tojiboyevaga nogironlik aravachasi topshirildi.