Spiker o‘rinbosari tomorqa xizmati klasteri faoliyati bilan yaqindan tanishdi
20.01.2022, 15:43
Nukus tumanidagi “Samanbay” OFY hududida joylashgan «Toremurat best tomorqa xizmati klasteri” MChJ da seminar tashkil qilindi.
Seminarda Oliy Majlis Qonunchilik palatasi Spikeri o‘rinbosari, O’zLiDeP fraksiyasi rahbari Aktam Xaitov, tuman hokimligi, mahallalardagi hokim yordamchilari, fermer va dehqon xo‘jaliklari rahbarlari ishtirok etdi.
Seminar davomida namunali tomorqachilarning tomorqa maydonlarida yetishtirgan mahsulotlari, asalarichilik, quyonchilik, parrandachilik, bog‘dorchilik va boshqa qator serdaromad yo‘nalishlar bo‘yicha natijali faoliyat yuritayotgan, o‘z navbatida ishbilarmon tadbirkorga aylangan tomorqachilar, dehqon xo‘jaliklari egalarining mahsulot va daromad manbailari ko‘zdan kechirildi.
Aytib o‘tish joiz, bugungi tomorqachi chin manoda ham mirishkor ham tadbirkor hisoblanadi. Chunki, o‘ o‘z qo‘l mehnati bilan yetishtirgan mahsulotlarini bozorlarga to‘g‘ridan-to‘g‘ri olib chiqib o‘z haridoriga sotish imkoniyatiga ega.
Aytib o‘tish joiz, tomorqa egalari va mirishkor dehqonlar faoliyatiga yaqindan yordam berishda “Tomorqa xizmati” klasterlarining tutgan o‘rni katta bo‘lib, bunda aholiga 12 yo‘nalishda xizmat ko‘rsatishi belgilangan.
Mazkur klaster o‘simlik va ko‘chatlarni yetishtiruvchi issixqona, guruch va un tortish, ozuqa-em mahsulotlarini tayyorlovchi uskunalar, qishloq xo‘jaligi, meva-sabzavot mahsulotlarini saqlashga mo‘ljallangan muzlatgich xonalari bilan ta’minlangan.
E’tiborli tomoni birgina tomorqa xizmati klasterning yo‘lga qo‘yilishi natijasida 300 nafarga yaqin fuqarolarning bandligi ta’minlangan.
Spiker o‘rinbosari Aktam Xaitov hokim yordamchilari bilan uchrashib, Yangi O’zbekistonda mahalla tizimiga katta e’tibor qaratilayotgani, ayniqsa ushbu yo‘nalishda qabul qilingan Prezident Farmoniga muvofiq mahallalarda ish olib boruvchi hokim yordamchisiga katta vakolatlar va majburiyatlar yuklanganini alohida e’tirof etdi.
Mazkur lavozimlarning ta’sis etilganligi joylarda tadbirkorlikni rivojlantirish, aholi bandligini ta’minlash, shu orqali yangi ish o‘rinlarini yaratishda muhim ahamiyat kasb etadi.
Mahalla tizimidagi ishlarni yanada kuchaytirish maqsadida davlatimiz rahbarining "Yangi O’zbekistonning 2022-2026 yillarga mo‘ljallangan taraqqiyot strategiyasi to‘g‘risida"gi Farmoni loyihasida ham o‘z aksini topganligini ta’kidlab o‘tdi.
Spiker o‘rinbosari tomorqa xizmati klaster faoliyati bilan yaqindan tanishar ekan, tomorqachilikni yanada rivojlantirish, mazkur tomorqa xizmati klasteri qoshidan o‘quv markazini ochish, tomorqachilikga qiziquvchi yoshlarni jalb etish bo‘yicha bir qator taklif va tavsiyalarni berdi.
O’zLiDeP Qoraqalpog‘iston Respublikasi
Kengashi matbuot xizmati
O'xshash yangiliklar
-
Davlat dasturidan kelib chiqadigan partiya va fraksiya oldidagi vazifalar muhokama qilindi
26.02.2024, 21:34
-
Deputat maktab kutubxonasiga 100 dan ortiq badiiy asarlar va adabiyotlar tuhfa qildi
14.02.2024, 17:25
-
Muhim va ustuvor vazifalar belgilab olindi
31.01.2024, 17:53
-
“Ayollar daftari” bilan manzilli ishlashning shaffof mexanizmi yaratiladi
30.01.2024, 12:29
-
Deputat jarqo‘rg‘onlik tadbirkorlar muammosini o‘rgandi
30.01.2024, 10:11
Fikringizni qoldiring