Ayni paytda Jizzax viloyatida 4 ta oilaviy bolalar uyi tashkil etilgan bo‘lib, undan maqsad - viloyatdagi 29-sonli Mehribonlik uyi tarbiyalanuvchilari hamda bugungi kunda ota-ona qaramog‘idan mahrum bolalarning jamiyatdagi o‘z o‘rinlarini topishlariga ko‘maklashishdan iborat.

Bu xayrli ishga xalq deputatlari Sh.Rashidov tuman Kengashidagi O‘zLiDeP  deputatlik guruhi a’zosi, taniqli tadbirkor Sharofat Noriyeva ham bosh qo‘shdi.

Sh.Noriyeva rahbarlik qilayotgan “Xolmo‘minov Zohid” ko‘p tarmoqli fermer xo‘jaligi va “Gulchi opa tomorqachilik xizmati” MChJ klasterida gulchilik, paxtachilik, g‘allachilik, baliqchilik, parrandachilik, echkichilik sohalarida yaxshi natijalarga erishilmoqda. Bundan tashqari, fermer tomonidan “Olmachi” mahallasida tikuvchilik va “AKVA” sexlari, ikkita xususiy bog‘cha faoliyati yo‘lga qo‘yilgan, 80 ta doimiy va 200 ta mavsumiy ish o‘rinlari yaratilgan.

 Sh.Noriyeva ana shu faoliyatlaridan tashqari yana bir ezgu ishga qo‘l urdi. Jizzax shahridagi 29-Mehribonlik uyidan 6 nafar bolalarni o‘z oilasiga qabul qilib, farzandlikka oldilar.

  O‘zLiDeP Jizzax viloyat Kengashi

Jamoatchilik bilan aloqalar

va mafkuraviy ishlar bo‘limi