Xalq deputatlari Namangan shahar Kengashi deputati Qobiljon Dadaboyev tashabbusi bilan Yuksalish, Ijodkor, Orzu, Mustaqillik va To‘quvchi mahallalarida yashovchi “Ayollar daftari” ro‘yxatiga kiritilayotgan xotin-qizlar bilan uchrashuvlar o‘tkazildi. Uchrashuvlar davomida bemor va nogironligi bo‘lgan ayollarning bugungi turmush sharoiti xonadonma-xonadon yurib o‘rganildi.

Mamlakatimizda ijtimoiy ahvoli va turmush sharoiti og‘ir, ishsiz va ijtimoiy faol bo‘lmagan xotin-qizlarni har tomonlama qo‘llab-quvvatlash va himoya qilish borasida olib borilayotgan manzilli ishlar borasida keng tushuntirishlar berildi.

43 nafar ehtiyojmand, bemor va nogironligi bo‘lgan, boquvchisini yo‘qotgan xotin-qizlar xolidan xabar olinib, ularni moddiy va ma’naviy qo‘llab-quvvatlandi.