Deputatlar ehtiyojmand oilaga o‘z biznesini boshlashga ko‘maklashdi

26.01.2022, 09:54

Deputatlar ehtiyojmand oilaga o‘z biznesini boshlashga ko‘maklashdi

Xalq deputatlari Bektemir tuman Kengashidagi O’zLiDeP deputatlik guruhi a’zolari T. Mahamadziyayev va G. Tuxtasinovalar ayollar bandligini ta’minlash, ularni kasb-hunarga yo‘naltirish va kambag‘allikni qisqartirish maqsadida savobli ishga qo‘l urdi.

Deputatlar “Nurafshon” mahallasida istiqomat qiluvchi Matsaidova Dilnozaga o‘z tadbirkorligini boshlash uchun tikuv atelesini ochilishiga ko‘maklashdi. Dilnozaning turmush o‘rtog‘i avtohalokat tufayli nogiron bo‘lib qolgan, 3 nafar voyaga yetmagan farzandini boqish uning zimmasida qoldi. Dilnoza og‘ir hayotiy ahvolga tushib qolganligini xalq vakillariga murojaat qildi. Deputatlar Dilnoza Matsaidovani Bektemir tumanidagi bandlikka ko‘maklashish markazi tomonidan tashkil etilgan bepul tikuv kurslariga o‘qitdi. Uch oy davomida o‘z kasbining ustasi bo‘lib chiqqandan so‘ng, unga 3 ta tikuv mashinasi olib berishga ko‘maklashildi.

Dilnoza tez fursatda o‘z biznesini yo‘lga qo‘ydi. Hozirda uning qo‘l ostida 2 nafar ishsiz ayollar bandligi ta’minlandi.

  • Ko'rildi
    34
  • Chop etish
  • Do'stlar bilan ulashish
← Orqaga qaytish

Fikringizni qoldiring

+