Shahrisabzda ayollar o‘rtasida sport ommalashmoqda
03.02.2022, 17:10
O’zLiDeP Shahrisabz shahar Kengashi tashabbusi bilan “Sog‘lom oila mustahkam oila” loyihasi doirasida 1-kasb-hunar maktabida 18 yoshdan 45 yoshgacha bo‘lgan mahalla ayollari o‘rtasida sportning voleybol, basketbol va stol tennisi bo‘yicha musobaqa o‘tkazildi.
Bu tadbir qishloq ayollarini sportga keng jalb etish, sog‘lom turmush tarzini targ‘ib qilish, xotin-qizlarning jismonan yetuk va barkamol bo‘lishlariga hissa qo‘shish maqsadida tashkil etildi. Sport musobaqasini partiyaning shahar Kengashi apparat rahbari Fazliddin Amanov ochib, partiya yoshlar orasida sog‘lom turmush tarzini, jismoniy tarbiya va sportni targ‘ib qilishni ustuvor maqsad sifatida belgilaganini ta’kidladi.
Musobaqada “Pillakashlik” va “Sariosiyo” mahallasi xotin-qizlari sportning basketbol, voleybol, tennis turlari bo‘yicha o‘zaro kuch sinashdilar. Musobaqa yakunlariga ko‘ra sportning tennis yo‘nalishi bo‘yicha 1-son kasb-hunar maktabi o‘quvchisi Surayyo Oybekova birinchi o‘rinni qo‘lga kiritdi. Mahalla xotin-qizlari o‘rtasida o‘tkazilgan voleybol musobaqasida “Pillakashlik” MFYning “Yosh voleybolchilar” jamoasi birinchi o‘rinni qo‘lga kiritishdi.
Musobaqa so‘nggida g‘olib va sovrindorlar partiyaning diplom va esdalik sovg‘alari bilan taqdirlanishdi.
O’zLiDeP Qashqadaryo viloyat Kengashi
matbuot xizmati
O'xshash yangiliklar
-
O‘zLiDeP “Ayollar qanoti” loyihalari orqali ishsiz xotin-qizlar tadbirkor bo‘lyapti
09.04.2024, 19:52
-
Qoratepalik Matluba opa tomorqasidan har yili 30 million so‘m daromad qilmoqda
09.04.2024, 19:49
-
Xotin-qizlarning iqtisodiy, ijtimoiy va siyosiy faolligini oshirishga eʼtibor yana-da kuchaygan
31.03.2024, 10:51
-
Mahalladagi xotin-qizlarning muammo va takliflari o‘rganildi
01.03.2024, 22:01
-
Gulchi opa mahalla xotin-qizlariga o‘z tajribasini ommalashtirdi
24.02.2024, 12:22
Fikringizni qoldiring