Deputatlar Yangiqo‘rg‘onda “Obod mahalla” dasturi ijrosi doirasida yo‘l qo‘yilgan kamchilik va muammolarga to‘xtaldi
11.02.2022, 17:16
Xalq deputatlari Yangiqo‘rg‘on tuman Kengashidagi O`zLiDeP deputatlik guruhining yig‘ilishida Yangi O’zbekistonning 2022-2026 yillarga mo‘ljallangan taraqqiyot strategiyasida belgilangan maqsadlar ijrosini ta’minlashda deputatlik guruhi oldida turgan dolzarb vazifalar muhokama etildi.
Ayniqsa, strategiyaning uchinchi ustuvor yo‘nalishi–milliy iqtisodiyotni rivojlantirish, tadbirkorlikni qo‘llab-quvvatlash, kambag‘alchilikni qisqartirish bo‘yicha mahallalarda amalga oshiriladigan ishlarni deputatlik guruhi yig‘ilishlarida ko‘rib borish, ularda bank, soliq va boshqa mutasaddi iqtisodiy idoralar rahbarlarining hisobotlarini eshitib borish, doimiy komissiyaga va sessiyalarga masalalar kiritishga kelishib olindi.
Yig‘ilishda, shuningdek, tumanda yakunlangan yilda “Obod mahalla” dasturi ijrosi va joriy yilga rejalashtirilgan ishlar yuzasidan tuman hokimining qurilish va obodonlashtirish masalalari bo‘yicha o‘rinbosari Murodjon Sotiboldiyevning hisoboti ham eshitildi.
Ta’kidlandiki, tumanning Mamay va Olmazor mahallalarida “Obod mahalla” dasturi asosida belgilangan barcha qurilish va obodonlashtirish ishlari bajarildi, aholi bundan mamnun bo‘lmoqda. Joriy yilda esa Gaiston va Birlik mahallalari “Obod mahalla” dasturiga kiritilgani, bu bo‘yicha amalga oshirilishi belgilangan chora-tadbirlar haqida axborot berildi.
Deputatlik guruhi a’zolari dastur ijrosida yo‘l qo‘yilgan ayrim kamchilik va muammolar haqida to‘xtalib, joriy yilda bu kabi kamchiliklarning oldini olish yuzasidan taklif-mulohazalarini bildirdi.
Yig‘ilishda deputatlik guruhining joriy yil birinchi choragidagi vazifalari belgilab olindi.
O`zLiDeP Namangan viloyat Kengashi
matbuot xizmati
O'xshash yangiliklar
-
Qo‘rg‘ontepada qishloq xo‘jaligiga mo‘ljallangan yerlardan samarali foydalanish holati tahlil qilindi
26.01.2024, 16:23
-
Deputat ko‘magida aholi xonadonlariga ichimlik suvi yetib bormoqda
26.01.2024, 11:59
-
Deputatlik eshituvi tanqidiy-tahliliy ruhda o‘tdi
26.01.2024, 11:58
-
Boshqarma boshlig‘ining hisoboti eshitildi
25.01.2024, 15:34
-
Zominlik deputatlar tuman elektr tarmoqlari korxonasi rahbarining hisobotini eshitdilar
23.01.2024, 15:15
Fikringizni qoldiring