Qonunchilik palatasi deputati sayyor qabul o‘tkazdi
24.02.2022, 15:31
Oliy Majlis Qonunchilik palatasi deputati Bahrom Rahmonaliyev shu kunlarda o‘z saylov hududi – Oltiariq tumanida bo‘lib, fuqarolar bilan uchrashuvlar o‘tkazmoqda.
Ana shunday uchrashuvlardan biri tumandagi 3-sektor hududidagi 12-umumiy o‘rta ta’lim maktabida tashkil etilib, unda Shalola, Gulobod, Zilol mahalla fuqarolar yig‘inlarida istiqomat qilayotgan fuqarolar ishtirok etishdi.
Unda deputat bilan birga, tumandagi korxona, tashkilot va muassasalarning rahbar-xodimlari qatnashdi.
Sayyor qabulda fuqarolar hududdagi mahalla fuqarolar yig‘inlarini gazlashtirish, ichki yo‘llarni asfaltlash hamda elektr tizimidagi uzilishlarni bartaraf etish hamda ma’naviy eskirgan elektr sim yog‘ochlarini yangilariga almashtirish kabi mavjud muammolar yuzasidan amaliy yordam berishni so‘radilar.
Deputat B.Rahmonaliyev 3-sektor hududidagi muammolarni bartaraf etish yuzasidan tumandagi korxona va tashkilot rahbarlariga o‘z taklif hamda tavsiyalarini bildirdi.
Shuningdek, fuqarolar Shalola, Zilol va Gulobod mahalla fuqarolar yig‘inlari hududida ikkita umumiy o‘rta ta’lim maktablari bir joyda joylashganligi tufayli o‘quvchilar 3 km masofadan kelib tahsil olayotganligi uchun Gulobod va Zilol MFYlar chegaralarida yangi maktab binosini qurishda amaliy yordam so‘rab murojaat qildilar.
Oliy Majlis Qonunchilik palatasi deputati B.Rahmonaliyev kelgusida yangi maktab barpo etish yuzasidan investitsiya dasturiga taklif kiritish choralarini ko‘rishini ta’kidladi.
Deputatning saylovchilar bilan uchrashuvlari davom etmoqda.
Shoxsulton To‘xtamatov,
O’zLiDeP Farg‘ona viloyati Kengashi
matbuot kotibi.
O'xshash yangiliklar
-
Davlat dasturidan kelib chiqadigan partiya va fraksiya oldidagi vazifalar muhokama qilindi
26.02.2024, 21:34
-
Deputat maktab kutubxonasiga 100 dan ortiq badiiy asarlar va adabiyotlar tuhfa qildi
14.02.2024, 17:25
-
Muhim va ustuvor vazifalar belgilab olindi
31.01.2024, 17:53
-
“Ayollar daftari” bilan manzilli ishlashning shaffof mexanizmi yaratiladi
30.01.2024, 12:29
-
Deputat jarqo‘rg‘onlik tadbirkorlar muammosini o‘rgandi
30.01.2024, 10:11
Fikringizni qoldiring