Qonliko‘l tumanidagi «Kanteks Invest» MChJ faoliyati bilan tanishildi
25.02.2022, 10:35
2019 yilda ishga tushgan Qonliko‘l tumanidagi «Kanteks Invest» mas’uliyati cheklangan jamiyati tumandagi eng yirik sanoat korxonasi bo‘lib hisoblanadi.
Bugungi kunda 600 nafardan ziyod yoshlar faoliyat olib borayotgan mazkur korxona hudud aholisin doimiy ish bilan ta’minlab qolmasdan, o‘z mahsulotlarini chet davlatlariga eksport qilyapti, yildan-yilga eksport hajmi ham ortib bormoqda.
Oliy Majlis Qonunchilik palatasi Spikeri o‘rinbosari, O’zLiDeP fraksiyasi rahbari Aktam Xaitov Qonliko‘l tumanidagi «Kanteks Invest» korxona faoliyati bilan yaqindan tanishdi.
Korxonada ishlab chiqarayotgan mahsulotlar sifati, eksport salohiyati, ishchilar uchun yaratilgan shart-sharoitlar va kelgusi rejalari bilan o‘rtoqlashdi.
– Korxonamiz yiliga 11 ming tonna paxtani qayta ishlash imkoniyatiga ega, - dedi jamiyat rahbari Quvondiq Yeshmuratov. - 2019 yili 8,4 mln dollar, 2020 yili 10,8 mln dollarlik ip kalavani chet davlatlarga eksport qilgan bo‘lsak, o‘tgan yilning birinchi choragida 4,2 mln dollarlik mahsulotlarni eksport qildik.
Bunda asosan Turkiya, Rossiya, Ukraina va Polsha davlatlaridagi hamkor sheriklar bilan birgalikda ish olib borilyapti. Shuningdek O’zbekistonning ichki bozoriga ham o‘tgan davr ichida 133,1 mlrd so‘mlik mahsulotlarni sotib, korxonaning savdo aylanmasi hajmi yanada kengaydi. Bugungi kunda korxonada 3 smenada ish tashkil qilingan. Korxonada ishchilar uchun barcha shart-sharoitlar yaratilgan.
Partiya yektakchisi korxona faoliyati bilan yaqindan tanishar ekan, mamlakatimizda keyingi yillarda barcha sohalar singari tadbirkorlik sohasini rivojlantirishga katta e’tibor qaratilayotgani, ayniqsa Yangi O’zbekistonning 2022-2026 yillarga mo‘ljallangan taraqqiyot strategiyasining Milliy iqtisodiyotni jadal rivojlantirish va yuqori o‘sish sur’atlarini ta’minlash yo‘nalishida ham tadbirkorlik faoliyatini tashkil qilish va doimiy daromad manbalarini shakllantirish uchun sharoitlarni yaratish, xususiy sektorning yalpi ichki mahsulotdagi ulushini 80 foizga va eksportdagi ulushini 60 foizga yetkazish, mamlakatda 2026 yil yakuniga qadar ishsizlik darajasini kamida 2 barabar qisqartirish borasida vazifalar belgilab berilganini ta’kidladi.
Spiker o‘rinbosari Aktam Xaitov mazkur korxonada tomorqa klasterini tashkil etish, korxona faoliyatini yanada kengaytirish borasida o‘zining bir qator taklif va tavsiyalarini berib o‘tdi.
O’zLiDeP Qoraqalpog‘iston Respublikasi
Kengashi matbuot xizmati
O'xshash yangiliklar
-
Davlat dasturidan kelib chiqadigan partiya va fraksiya oldidagi vazifalar muhokama qilindi
26.02.2024, 21:34
-
Deputat maktab kutubxonasiga 100 dan ortiq badiiy asarlar va adabiyotlar tuhfa qildi
14.02.2024, 17:25
-
Muhim va ustuvor vazifalar belgilab olindi
31.01.2024, 17:53
-
“Ayollar daftari” bilan manzilli ishlashning shaffof mexanizmi yaratiladi
30.01.2024, 12:29
-
Deputat jarqo‘rg‘onlik tadbirkorlar muammosini o‘rgandi
30.01.2024, 10:11
Fikringizni qoldiring