Spiker o‘rinbosari qoraqalpog‘istonlik talaba yoshlar bilan muloqot qildi
25.02.2022, 17:15
Berdaq nomidagi Qoraqalpoq davlat universitetida “Deputat va yoshlar” mavzusida talaba yoshlar bilan uchrashuv tashkil qilindi.
Unda Oliy Majlis Qonunchilik palatasi Spikeri o‘rinbosari, O’zLiDeP fraksiyasi rahbari Aktam Xaitov va Qonunchilik palatasi deputati Muxtar Ibragimov, deputat yordamchilari, universitetning talaba yoshlari ishtirok etdi.
Uchrashuvda Yangi O’zbekistonning 2022-2026 yillarga mo‘ljallangan taraqqiyot strategiyasining mazmun-mohiyati va uning ahamiyati, unda belgilab berilgan ustuvor vazifalar, mamlakatimizda olib borilayotgan o‘zgarish va yangilanishlar, ayniqsa barcha sohalar singari ta’lim sohasiga, xususan kelajagimiz bo‘lgan yoshlarimizga qaratilayotgan e’tibor, yoshlarga oid davlat dasturi doirasida olib borilayotgan ishlar bo‘yicha to‘xtalib o‘tildi.
Bugun yurtimizda barcha sohalar qatori ta’lim tizimida ham jadal islohotlar amalga oshirilmoqda. Davlatimiz rahbari tomonidan ta’lim sohasiga alohida e’tibor qaratilib, sohani yanada isloh qilish bo‘yicha dolzarb vazifalar belgilab berildi. Bu borada oliy ta’limni sifat jihatidan yangi bosqichga ko‘tarish maqsadida “O’zbekiston Respublikasi oliy ta’lim tizimini 2030 yilgacha rivojlantirish konsepsiyasi” va boshqa bir qator me’yoriy hujjatlar qabul qilindi.
Shu asosda keyingi bir necha o‘n yilliklarga mo‘ljallangan talab va ehtiyojdan kelib chiqib, oliy ta’lim tizimini rivojlantirishga qaratilgan strategik maqsad va vazifalar belgilab olindi va amalga oshirilmoqda.
Ya’ni, Yangi O’zbekistonning 2022-2026 yillarga mo‘ljallangan taraqqiyot strategiyasida to‘rtinchi ustuvor yo‘nalish aynan ta’lim sohasini, inson kapitalini rivojlantirishga qaratilganligi bilan ahamiyatli.
Qisqa muddatda oliy ta’lim muassasalari soni ikki barobar ortdi va umumiy qamrov 28 foizni tashkil etdi. Oliy ta’limga qamrov izchil kengayib, 2026 yilda 50 foizga yetkazilishi ko‘zda tutilayotgani yoshlarimizning global mehnat bozoridagi raqobatbardoshligini ta’minlashga xizmat qiladi.
Uchrashuv davomida talaba yoshlar o‘zlarini qiziqtirgan savollariga atroflicha javoblar olishdi.
Qolaversa universitetning kitob fondiga Prezidentimizning “Yangi O’zbekiston strategiyasi” kitobi sovg‘a qilindi.
O’zLiDeP Qoraqalpog‘iston Respublikasi
Kengashi matbuot xizmati
O'xshash yangiliklar
-
Davlat dasturidan kelib chiqadigan partiya va fraksiya oldidagi vazifalar muhokama qilindi
26.02.2024, 21:34
-
Deputat maktab kutubxonasiga 100 dan ortiq badiiy asarlar va adabiyotlar tuhfa qildi
14.02.2024, 17:25
-
Muhim va ustuvor vazifalar belgilab olindi
31.01.2024, 17:53
-
“Ayollar daftari” bilan manzilli ishlashning shaffof mexanizmi yaratiladi
30.01.2024, 12:29
-
Deputat jarqo‘rg‘onlik tadbirkorlar muammosini o‘rgandi
30.01.2024, 10:11
Fikringizni qoldiring