Partiya vakillari yirik sanoat korxonasi faoliyati bilan tanishdi
09.03.2022, 17:11
O'zLiDeP Sirdaryo viloyat Kengashi va Guliston shahar Kengashi vakillari Guliston shahridagi “WORLD OF TECHNO” MChJ faoliyati bilan tanishdi.
Tadbirkorlik yosh tanlamaydi, ammo ishtiyoq va imkoniyat tanlaydi. “VORD OF TEHNO” MChJ rahbari Qobiljon To‘rayev bilan suhbat asnosida bu fikrni hamrohlarimiz ham tasdiqlashdi.
Qobiljon To‘rayev rahbarlik qilayotgan mas’uliyati cheklangan jamiyat binosining o‘rni bir paytlar paxtazor edi. Bu yerda qancha hosil olingani va undan kelgan foydani hisoblashdan yiroqmiz. Biroq paxtazor o‘rnida qad rostlagan mazkur MChJda bugungi kunda 35 nafar xodim mehnat qilayapti. Ular tufayli oilalar ham, jamiyat ham foyda ko‘rayapti.
Mazkur MChJ Sirdaryo viloyatining yagona diler tashkiloti hisoblanadi. Ya’ni, “Artel”, “Shvaki”, “Royal”, “Samsung” singari dunyo bozorida ham nufuzi va xaridoriga ega kompaniyalarning viloyatimizdagi yagona dileri hisoblanadi.
Tadbirkorlikning qirralari ko‘p. Hamma gap ishtiyoq bilan yondoshib, tadbirkorlikni o‘ziga yuqtirishda. “Ustozidan o‘tmagan shogird-shogird emas”, degan maqol tadbirkorlarga xos bo‘lib qoldi. Qobiljon To‘rayev Xitoy bilan shartnoma asosida qop tikishga ixtisoslashgan fabrika ochish maqsadini amalga oshirish arafasida. Asbob-uskunalar, tikuv mashinalari uchun 2,5 millon dollarlik sarmoyani kredit asosida ajratildi. Fabrika uchun bino tayyor.
Partiya faollari mazkur korxona faoliyati bilan tanishar ekan, u yerda ishchilarga yaratilgan shart-sharoitlar, mahsulotlarning bozorbopligi, eksport kabi masalalarida o‘zaro fikrlar almashib olindi, faoliyatini yanada kengaytirish borasida ko‘rsatmalar berib o‘tildi.
O'zLiDeP Sirdaryo viloyati kengashi
matbuot xizmati
O'xshash yangiliklar
-
Talaba-yoshlarning partiya loyihalariga qiziqishi ortmoqda
09.04.2024, 19:25
-
Nukuslik yoshlarning moliyaviy savodxonligi oshirildi
31.03.2024, 09:59
-
Yoshlarning moliyaviy savodxonligi oshirildi
16.03.2024, 14:44
-
Deputat talabalarning ta’lim va ish bilan bandlik yo‘nalishidagi muammolari bilan qiziqdi
07.03.2024, 10:56
-
Maktab bitiruvchilari yoshlar kichik sanoat zonasi faoliyati bilan tanishdi
01.03.2024, 22:13
Fikringizni qoldiring