O‘zLiDeP Farg‘ona shahar Kengashi deputati Shaxnozaxon Siddiqova tomonidan “Simtepa” mahalla fuqarolar yig‘inida sayyor qabul o‘tkazildi.

Sayyor qabulda 20 nafara yaqin fuqarolar murojaatlari tinglanib, muammolar o‘rnida hal etilishiga erishildi.

Jumladan, “Obihayot” ko‘chasidagi 2-guruh nogironi G.Ibragimova dori-darmonlar olish uchun mablag‘i yo‘qligi bo‘yicha qilgan murojaati 2-oilaviy poliklinika tomonidan bepul ta’minlandi.

“Sadaf” va “Xidoyat” ko‘chalariga chiroqlar o‘rnatish bo‘yicha kelib tushgan murojaatlar ham tegishli tashkilotlar orqali ijobiy yechim topdi.

Shuningdek, deputatga “Chamanzor” ko‘chasida yashovchi D.Temirova uyi ta’mirtalab ekanligi yuzasidan murojaat qilgan edi. Hozirda murojaatchining uyi deputat va tadbirkorlar yordamida ta’mirlanmoqda.

Muddat talab etadigan murojaatlar esa tegishli mas’ullarga biriktirilib, deputat tomonidan ijrosi nazoratga olindi.