O’rganganingiz o‘zingizga foyda
27.04.2022, 13:55
O‘zLiDeP Boysun tumani Kengashi hamda hamkor tashkilotlar bilan “Namunali tomorqachi” loyihasi doirasida “Bir mahalla - bir mahsulot” tamoyili bo‘yicha "Gaza" mahallasida mahorat darsi o‘tkazildi.
Ushbu mahallada yashovchi Habiba Xoliyorova mahorat darsida o‘z tajribalari bilan o‘rtoqlashdi.
Habiba Xoliyorova ham ko‘p yillar ishsiz edi. Ammo, uyda bekor o‘tirmasdan biror foydali mehnat bilan shug‘ullanib, qo‘shimcha daromad topishni juda istadi. Respublikamizda joriy etilgan yangi tizim esa Habiba opaning joniga ora kirdi. Uni mahalladagi "Ayollar daftari"ga kirgizishgach, Habiba opa tijorat bankidan issiqxona uchun 30 million so‘m kredit olish imkoniga ega bo‘ldi. Kredit opaning g‘ayratiga g‘ayrat qo‘shdi. Kaftdek hovlisida mo‘‘jazgina issiqxona barpo etildi va unda pomidor yetishtirishni boshladi.
Harakatga - barokat, deydilar. Opaning mehnati evaziga hosiliga baraka kirdi. Mana bir necha yildirki, shuning orqasidan birovga muhtoj bo‘lmay, ro‘zg‘orini butlab, qo‘shimcha daromad topayapti.
Mahorat darsida ishtirok etishgan mahalladagi “Ayollar daftari” va "Temir daftar" da ro‘yxatda turadigan ishsiz xotin-qizlar Habiba opa misolida uyda o‘tirib ham o‘zini o‘zi band qilish mumkinligiga amin bo‘lishdi.
O'xshash yangiliklar
-
Tomorqachilikni rivojlantirish deputatlarning doimiy nazoratida
04.05.2023, 16:25
-
Tomorqa – xazina manbai
28.04.2023, 17:22
-
Mirzaobod tajribasi: mehr bersang tomorqa – katta daromad manbai
20.04.2023, 14:24
-
Asakalik tomorqachi ayol 18 sotix yerdan yiliga 120 million so‘mga yaqin daromad topmoqda
02.03.2023, 15:23
-
Termizlik tomorqachi issiqxonadan qanday daromad topishni yaxshi biladi
28.02.2023, 18:53
Fikringizni qoldiring