G’allaorolda tomorqachilikni yanada rivojlantirishga bag‘ishlangan amaliy seminar bo‘lib o‘tdi
12.05.2022, 17:52
O‘zLiDeP Jizzax viloyat Kengashi Yoshlar va biznes tuzilmalari bilan ishlash bo‘limi tomonidan G’allaorol tumanida aholining tomorqadan unumli foydalanish samaradorligini oshirish bo‘yicha amaliy seminar tashkil etildi.
Mahalliy Kengash deputatlari, fermerlar, sektor, mahalla hamda tomorqachilar ishtirok etgan tadbirda bir nechta xonadonlardagi ilg‘or ish tajribalari o‘rganildi, aholi murojaatlari tinglandi.
Seminar tashkil etilgan Madaniyat QFYdagi Qangliobod qishlog‘ida ayni paytda 1581 ta xonadonda 9 mingdan ortiq aholi istiqomat qiladi. E’tiborli tomoni, mahallada tomorqachilik anchagina rivojlangan. Birgina kichik issiqxonalarning soni bugungi kunda 43 taga yetgan.
Kaftdek yerdan katta daromad olayotgan xonadon egalaridan biri Zulfiyaxonim mahallasida istiqomat qiluvchi Ulug‘bek Usmonov o‘z xonadonida issiqxona tashkil qilgan. 30 tup limon ko‘chatidan hosil olib boshlagan. Bu yil 1 tonna atrofida mahsulot olish niyatida. Shuningdek, 1 sotix yer maydonida Biogumus organik o‘g‘it yetishtirish bilan shug‘ullanmoqda.
Bo‘lib o‘tgan amaliy seminar davomida kaftdek yerdan katta daromad olish sirlari ko‘p ekanligini, biroq bir qator yechimini kutayotgan muammolar, jumladan, imtiyozli kredit olish, tomorqa uchun mo‘ljallangan kichik texnik vositalardan unumli va keng foydalanishni yo‘lga qo‘yish, logistika, mahsulotlarni eksport qilish kabi masalalarda tomorqachilar duch kelayotgan muammolarga tezkorlik bilan yechim topish masalalari ham muhokama qilindi. Mazkur masalalarda mas’ul bo‘lgan mutasaddilar bilan partiya faollari, deputatlar hamkorligini yanada kuchaytirishga kelishib olindi.
Xolbek ASATOV,
O’zLiDeP Jizzax viloyat Kengashi
Yoshlar va biznes tuzilmalari bilan ishlash
bo‘limi mudiri
O'xshash yangiliklar
-
Tomorqachilikni rivojlantirish deputatlarning doimiy nazoratida
04.05.2023, 16:25
-
Tomorqa – xazina manbai
28.04.2023, 17:22
-
Mirzaobod tajribasi: mehr bersang tomorqa – katta daromad manbai
20.04.2023, 14:24
-
Asakalik tomorqachi ayol 18 sotix yerdan yiliga 120 million so‘mga yaqin daromad topmoqda
02.03.2023, 15:23
-
Termizlik tomorqachi issiqxonadan qanday daromad topishni yaxshi biladi
28.02.2023, 18:53
Fikringizni qoldiring