O’zLiDeP Qoraqalpog‘iston Respublikasi Kengashi tomonidan Samarqand davlat veterinariya meditsinasi, chorvachilik va biotexnologiyalar  universiteti Nukus filialida “Yangi avlod kadrlari” loyihasi doirasida talaba yoshlar ishtirokida davra suhbati tashkil qilindi.

So‘z olganlar mamlakatimizda keyingi yillari yoshlarga qaratilayotgan e’tibor, partiya dasturi, unda yoshlarga berilgan imkoniyatlar, xususan, “Yangi avlod kadrlari” loyihasining mazmun-mohiyati bo‘yicha ham batafsil ma’lumotlar berildi.

Ayniqsa  yoshlarni loyihada muvaffaqiyatli ishtirok etgan bakalavr  yoki magistratura bosqichlari bitiruvchi talabalarni partiyaning amaldagi va istiqbolli kadrlar zaxirasiga kiritish, partiya tizimidagi ish o‘rinlariga zamonaviy bilim va ko‘nikmalarni o‘zlashtirgan xodimlarni topish va tegishli lavozimlarga tavsiya etish, yosh istiqbolli kadrlarni topish, malakasini oshirish va davlat hokimiyati organlari, davlat va xo‘jalik boshqaruvi hamda jamoat tashkilotlariga tavsiya etish kabi loyihaning aniq maqsadlari yoshlarda katta qiziqish uyg‘otdi.

Taqdimot yakunida talabalar partiyaning amaldagi va istiqbolli kadrlar zaxirasiga kiritildi. Eng faol yoshlarga partiyaning esdalik sovg‘alari topshirildi.

O’zLiDeP  Qoraqalpog‘iston Respublikasi

Kengashi matbuot xizmati