“Yangi avlod kadrlari” loyihasi doirasida 15 nafar talaba yoshlar partiya safiga qabul qilindi

13.05.2022, 16:46

“Yangi avlod kadrlari” loyihasi doirasida 15 nafar talaba yoshlar partiya safiga qabul qilindi

 O‘zLiDeP Namangan viloyat Kengashi tomonidan “Yangi avlod kadrlari” loyihasi doirasida viloyatdagi oliy ta’lim muassasalari bilan uzviy hamkorlikni yo‘lga qo‘yishga alohida e’tibor qaratilmoqda.

Mazkur loyiha doirasida Namangan muhandislik-qurilish institutida bo‘lib o‘tgan ochiq muloqotda talabalarning ham mamlakatimizdagi yetakchi siyosiy kuch hisoblanmish O’zbekiston Liberal-demokratik partiyasi faoliyatiga katta qiziqish bilan qarashlari yaqqol ko‘zga tashlandi.

Tadbirda partiya Dasturi, unda yoshlarga berilgan imkoniyatlar, xususan, “Yangi avlod kadrlari” loyihasining mazmun-mohiyati haqida tushuncha berildi.

Ayniqsa, partiya tavsiyasi bilan davlat boshqaruvi idoralarida ishlayotgan tashabbuskor yoshlar, tadbirkorlar, deputatlar faoliyati haqidagi ma’lumotlar talabalarda katta qiziqish uyg‘otdi.

Muloqotda faol ishtirok etgan 78 nafar talabalarning 3 nafari partiyaning amaldagi va istiqbolli kadrlar zaxirasiga kiritilgan bo‘lsa, 15 nafar talaba yoshlar partiya safiga qabul qilindi.

Eldorbek Jo‘rayev

O‘zLiDeP Namangan viloyat Kengashi

bo‘limi mudiri

  • Ko'rildi
    533
  • Chop etish
  • Do'stlar bilan ulashish
← Orqaga qaytish

Fikringizni qoldiring

+