“Ishbilarmon ayol - 2022” ko‘rik –tanlovining Qo‘ng‘irot tuman bosqichi o‘tkazildi
23.05.2022, 15:45
Qariyb olti yildan buyon an’anaviy tarzda o‘tkazilib kelinayotgan “Ishbilarmon ayol” ko‘rik-tanlovining Qo‘ng‘irot tuman bosqichi ham yuqori darajada tashkil qilindi.
Tanlovda tumandagi 10 ga yaqin tadbirkor, fermer va hunarmand xotin-qizlarimiz o‘zlarining ko‘rgazma mahsulotlari bilan ishtirok etishdi.
Hakamlar hay’ati a’zolari ishbilarmon xotin-qizlarning ko‘rgazma mahsulotlari, ularning faoliyati, muvaffaqiyat va kamchiliklari, kelgusi rejalari bilan yaqindan tanishdi.
Ta’kidlash joizki, joylarda ayniqsa eng chekka hududlarda xotin-qizlarning bandligini ta’minlash, ayniqsa “Temir daftar”, “Ayollar daftari”ning joriy etilishi orqali ishsiz ayollarni o‘qitishga, ishga joylashtirishga katta e’tibor qaratilib, loyihalar amalga oshirilmoqda.
- 20 yildan buyon fermerlik bilan shug‘ullanib kelmoqdaman, - deydi qo‘ng‘irotlik “Urker tulpar” fermer xo‘jaligi rahbari A.Seydullayeva. Umumiy yer maydonimiz 198 gektar yer bo‘lsa, shundan ekinlik yer maydonlari 31,6 gektarni tashkil etadi. Xo‘jaligimiz asosan chorvachilikka ixtisoslashgan bo‘lib, makkajo‘xori, kunjut, beda va poliz ekinlari yetishtiriladi. Bundan tashqari aholiga maishiy xizmat ko‘rsatish xizmatlari (ovqatlanish o‘rni,) nonvoyxona, kir sovunlar va temir darvozalar ham ishlab chiqarilayotganligini qayd etdi.
Tanlov davomida Hakamlar hay’ati a’zolari ishbilarmon xotin-qizlarning ish faoliyati, kelgusi reja va maqsadlari bilan yaqindan tanishib, muloqot qilar ekan, ularning faoliyatiga xolisona o‘z baholarini berishdi.
Tanlov yakunida esa 3 o‘rinni hunarmand Z.Madiyarova, 2 o‘rin yana bir hunarmand qizimiz G.Tayrovaga nasib etgan bo‘lsa, 1 o‘rinni “Urker tulpar” fermer xo‘jaligi rahbari A.Seydullayevaga nasib etdi va tanlovning Qoraqalpog‘iston Respublikasi bosqichiga qatnashish huquqiga ega bo‘ldi.
O’zLiDeP Qoraqalpog‘iston Respublikasi
Kengashi matbuot xizmati
O'xshash yangiliklar
-
O‘zLiDeP “Ayollar qanoti” loyihalari orqali ishsiz xotin-qizlar tadbirkor bo‘lyapti
09.04.2024, 19:52
-
Qoratepalik Matluba opa tomorqasidan har yili 30 million so‘m daromad qilmoqda
09.04.2024, 19:49
-
Xotin-qizlarning iqtisodiy, ijtimoiy va siyosiy faolligini oshirishga eʼtibor yana-da kuchaygan
31.03.2024, 10:51
-
Mahalladagi xotin-qizlarning muammo va takliflari o‘rganildi
01.03.2024, 22:01
-
Gulchi opa mahalla xotin-qizlariga o‘z tajribasini ommalashtirdi
24.02.2024, 12:22
Fikringizni qoldiring