“Men ham tadbirkor bo‘laman” loyihasida qatnashgan qoraqalpog‘istonlik faol yoshlarga sertifikatlar topshirildi
03.06.2022, 10:35
Avval xabar berganimizdek, O’zLiDeP Siyosiy Kengashi Ijroiya qo‘mitasi tomonidan “Men ham tadbirkor bo‘laman” loyihasi doirasida o‘quv-seminar tashkil qilingan edi.
Loyihaning maqsadi esa yoshlarning tadbirkorlik va fermerlik faoliyatiga qiziqishini yanada kuchaytirish, oliy va o‘rta maxsus ta’lim muassasalari talaba-o‘quvchilarini ishga joylashtirishga ko‘maklashish, ularni kichik biznes va xususiy tadbirkorlikka jalb qilish borasida mahallabay tizimida ishlash va jamiyatda ishbilarmon, tadbirkor yoshlar hisobini oshirishdan iborat.
Ayniqsa “Aholini tadbirkorlikka jalb qilish tizimini takomillashtirish va tadbirkorlikni rivojlantirishga doir qo‘shimcha chora-tadbirlar to‘g‘risida”gi, “Mahallada tadbirkorlikni rivojlantirish, aholi bandligini ta’minlash va kambag‘allikni qisqartirish bo‘yicha davlat siyosatining ustuvor yo‘nalishlari to‘g‘risida”gi O’zbekiston Respublikasi Prezidentining farmonlari ijrosini ta’minlashdan iborat.
ZOOM platformasi orqali onlayn tarzda o‘tkazilgan o‘quv-seminarda tegishli soha vakillari bugungi kunda bitiruvchi yoshlarimizga juda katta imkoniyatlar berilayotganligi va bu imkoniyatlar kelajagimiz yoshlarini tadbirkorlik va fermerlik sohasini rivojlantirish orqali mamlakatimiz ravnaqiga ulkan hissa qo‘shishi haqida gapirib, yoshlar uchun berilayotgan imtiyozlar xaqida batafsil ma’lumotlar berib o‘tdi.
O’quv – seminarga O’zLiDeP Qoraqalpog‘iston Respublikasi tuman va shahar Kengashlaridagi “Yoshlar qanoti” guruhi a’zolari, tadbirkorlikka qiziquvchi talaba yoshlar ishtirok etdi.
Loyiha doirasida o‘tkazilgan o‘quv-seminar davomida o‘z biznesini boshlamoqchi bo‘lgan va tadbirkorlikka qiziqishi bor yoshlarning ham biznes rejalari taqdimoti ham bo‘lib o‘tdi.
Loyiha doirasida tashkil qilingan mazkur o‘quv-seminarda ham tashabbus ko‘rsatgan Qoraqalpog‘iston Respublikasi “Yoshlar qanoti”ning bir qator faol yoshlariga O’zLiDeP Siyosiy Kengashi Ijroiya qo‘mitasining sertifikatlari va sohaga oid qo‘llanmalari topshirildi.
O’zLiDeP Qoraqalpog‘iston Respublikasi
Kengashi matbuot xizmati
O'xshash yangiliklar
-
Talaba-yoshlarning partiya loyihalariga qiziqishi ortmoqda
09.04.2024, 19:25
-
Nukuslik yoshlarning moliyaviy savodxonligi oshirildi
31.03.2024, 09:59
-
Yoshlarning moliyaviy savodxonligi oshirildi
16.03.2024, 14:44
-
Deputat talabalarning ta’lim va ish bilan bandlik yo‘nalishidagi muammolari bilan qiziqdi
07.03.2024, 10:56
-
Maktab bitiruvchilari yoshlar kichik sanoat zonasi faoliyati bilan tanishdi
01.03.2024, 22:13
Fikringizni qoldiring