Konstitutsiyaviy islohotlar: Xususiy mulk daxlsizligi kafolatini kuchaytirish borasida takliflar berildi
06.06.2022, 17:53
O‘zLiDeP Samarqand viloyat Kengashi hamda Samarqand davlat universiteti hamkorligida O’zbekiston Respublikasi Konstitutsiyasiga o‘zgartirish va qo‘shimchalar kiritilishi munosabati bilan “Konstitutsiyaviy islohotlar: Ochiqlik, oshkoralik va shaffoflik” mavzusida O’zLiDeP Samarqand viloyat Kengashi mas’ul xodimlari, ishchi guruh a’zolari, mahalliy Kengash deputatlari, institutning bir guruh professor-o‘qituvchilari va talaba-yoshlari hamda OAV vakillari ishtirokida davra suhbati o‘tkazildi.
Tadbirni partiya viloyat Kengashi raisining birinchi o‘rinbosari- apparat rahbari Ilhom Botirov kirish so‘zi bilan ochdi.
Davra suhbatida so‘z olganlar Konstitutsiyaviy islohotlar jarayonini aholining keng qatlamiga tushuntirish, Bosh Qomusimizga kiritilayotgan o‘zgartirish va qo‘shimchalarda har bir O’zbekiston Respublikasi fuqarosi, shu jumladan, Samarqand davlat universiteti tajribali va bilimli professor- o‘qituvchilari hamda talaba-yoshlarining ham fikr va takliflari muhim ahamiyatga ega ekanligini qayd etishdi.
Shuningdek, Samarqand davlat universiteti professori, viloyat Kengashi deputati Baxtiyor Xo‘jayorov tomonidan talaba-yoshlarga konstitutsiyaviy islohotlarning ahamiyati, Konstitutsiyaviy komissiyaning asosiy vazifalari tushuntirib berildi.
Tadbirda ishtirok etgan Samarqand tumani "Navobod naslli parranda" fermer xo‘jaligi boshlig‘i, O’zLiDeR Samarqand viloyat Faxriylar Kengashi raisi, viloyat Kengashi deputati Xaydar Urakov mavzu yuzasidan so‘z yuritar ekan, tadbirkorlar, investorlar uchun yaratilayotgan sharoitlar va qonunda belgilanishi mumkin bo‘lgan takliflar, ya’ni investorlar uchun imtiyozlar, yengiliklar asosiy Qonunimizda qat’iy belgilash, xususiy mulk daxlsizligi kafolatini kuchaytirish borasidagi o‘z takliflarini bayon etdi.
Qizg‘in davom etgan davra suhbatida ishchi guruh a’zolari, professor o‘qituvilar yoshlar tomonidan bildirilgan takliflarning aksariyati o‘rinli va to‘la asosli ekanligini ta’kidlab, faol ishtirokchilarga o‘z minnatdorchiliklarini bildirishdi
Davra suhbati ishtirokchilarini qiziqtirgan savollarga tashkilotchilar tomonidan batafsil javoblar berildi. Ishchi guruh tomonidan takliflar umumlashtirildi.
Nasiba Mo‘minova,
O’zLiDeR Samarqand Samarqand viloyat Kengashi
bo‘lim mudiri
O'xshash yangiliklar
-
Aholiga qonunchilikdagi yangiliklar tushuntirildi
20.04.2024, 08:29
-
Deputatlar talabalar bilan ekologiya mavzusida qiziqarli suhbat qurdilar
19.04.2024, 15:10
-
Deputat “mahalla yettiligi” faoliyatini o‘rgandi
19.04.2024, 14:53
-
Deputat talabalarning muammo va takliflarini o‘rgandi
19.04.2024, 14:50
-
Deputat g‘allaorollik saylovchilar bilan muloqotda bo‘ldi
19.04.2024, 14:41
Fikringizni qoldiring