Asosiy Qomusimizda amalga oshiriladigan barcha o‘zgarishlarning tub mohiyatida yotadigan asosiy g‘oya, O’zbekistonda amalga oshirilayotgan islohotlarning mazmun-mohiyatini belgilab beruvchi tamoyil “Inson qadri uchun” shiorida o‘z aksini topgan. Bugungi ulkan o‘zgarishlar mamlakatimizdagi o‘rta sinfning asosini tashkil qiluvchi siyosiy kuch O‘zLiDeP  elektorati manfaatlariga ham to‘la mos keladi.

Shu sabab, ayni paytda joylarda hududiy kengashlar xodimlari, mahalliy kengashlar deputatlari, boshlang‘ich partiya tashkilotlari faollari, elektorat vakillari ishtirokida bo‘lib o‘tayotgan turli tadbir va muloqotlarda Konstitutsiyamizni takomillashtirish yuzasidan asosli takliflar bildirilmoqda.

Jizzax shahridagi “Ishga marhamat” monomarkazidagi Behzod Shukurov yetakchilik qilayotgan va o‘z saflariga 33 nafar maslakdoshlarimizni  birlashtirgan quyi bo‘g‘inda “Konstitutsiyaviy islohotlarni amalga oshirishda O‘zLiDePning o‘rni” mavzusida davra suhbati bo‘lib o‘tdi.

Xalq deputatlari Jizzax shahar Kengashidagi O‘zLiDeP deputatlik guruhi a’zolari hamda quyi bo‘g‘in faollari ishtirok etgan tadbirda Konstitutsiyaviy islohotlarning mazmun-mohiyati va zaruriyati haqida so‘z yuritildi. Tadbir davomida so‘zga chiqqanlar partiyamiz dasturida mamlakatimizda amalga oshirilayotgan islohotlarning bosh maqsadi inson, uning hayoti, erkinligi, qadr-qimmati, or-nomusi, ehtiyojlari va manfaatlariga qaratilgani alohida qayd etilgani ta’kidlab o‘tildi.

Davra suhbati yakunida ishtirokchilar tomonidan bildirilgan taklif va tavsiyalar umumlashtirildi.

Dilnoza Qosimova,

O‘zLiDeP Jizzax shahar Kengashi

apparat rahbari