TATU Urganch filiali talabalari va o‘qituvchilari Konstitutsiya takomillashtirilishi yuzasidan asosli takliflar bildirdilar

15.06.2022, 14:40

TATU Urganch filiali talabalari va o‘qituvchilari Konstitutsiya takomillashtirilishi yuzasidan asosli takliflar bildirdilar

O‘zLiDeP  Xorazm viloyati hamda tuman, shaharlar kengashlari partiya quyi bo‘g‘inlari, deputatlar bilan birgalikda hududda Konstitutsiyamiz isloh qilinishi jarayoniga bag‘ishlangan 50 dan ortiq  tadbir uyushtirdilar. Muloqotlarda 2 ming 700 dan ortiq  tadbirkor, fermer, mahallalar faollari, yoshlar va jamiyatning boshqa qatlamlari vakillari ishtirok etib, Asosiy qonun takomillashtirilishi yuzasidan 100 ga yaqin taklif bildirdilar. Ishbilarmonlik muhitini yanada yaxshilash, mulk daxlsizligini kafolatlash, nogironlar uchun ko‘proq ish o‘rinlari yaratish, tibbiyot va ta’lim tizimini isloh qilish singari  jo‘yali taklif va tavsiyalar O’zbekiston Konstitutsiyasini takomillashtirish bo‘yicha takliflarni umumlashtirish  va Konstitutsiyaviy komissiyaga taqdim etish bo‘yicha O‘zLiDeP  Siyosiy Kengashi Ijroiya qo‘mitasidagi ishchi guruhga taqdim qilindi.

Navbatdagi tadbir Toshkent axborot texnologiyalari universitetining Urganch filialida tashkil qilindi. Asosan talabalar, o‘qituvchilar qatnashgan muloqotda Oliy Majlis Qonunchilik palatasi spikeri o‘rinbosari,  O‘zLiDeP Siyosiy Kengashi Ijroiya qo‘mitasi raisi Aktam Xaitov ishtirok etdi.

Partiya lideri  Bosh qomusni isloh qilish zaruratini yuzaga keltirgan omillar, unga qo‘shimcha va o‘zgartishlar kiritilishining ulkan ahamiyati, afzalliklari to‘g‘risida atroflicha so‘z yuritdi.  Asosiy qonunni takomillashtirish tashabbusi bilan chiqqan O'zLiDeP Konstitutsiyani isloh qilish bilan bog‘liq jarayonlarda faol qatnashayotganiga ham to‘xtalib o‘tdi. Bosh qomusimizda amalga oshiriladigan barcha o‘zgarishlarning tub mohiyatini tashkil qiluvchi asosiy g‘oya “Inson qadri uchun” shiorida ifodalanganini bildirdi. Mamlakatimiz taqdiriga befarq bo‘lmagan barcha yurtdoshlarimiz Konstitutsiya takomillashtirilishida g‘oyat faol qatnashishi kerakligini ta’kidladi. 

Muloqotda bir qancha g‘oyalar o‘rtaga tashlandi. Ayniqsa,  yoshlarning umumta’lim jarayonida kasb-hunarga ega bo‘lishlari davlat tomonidan kafolatlanishi, tibbiy sug‘urtalashning mukammal mexanizmi joriy qilinishi, iqtidorli yoshlar qo‘llab-quvvatlanishining yanada kuchaytirilishi to‘g‘risidagi takliflar ishtirokchilarda katta qiziqish uyg‘otdi. Ularni partiya ishchi guruhiga topshirish to‘g‘risida qaror qabul qilindi.

Mazmunli, samimiy kechgan muloqotdan  keyin O'zLiDeP yetakchisi iqtidorli talabalarning hayotga tatbiq etilayotgan ishlanmalari va  loyihalari bilan tanishdi.

  • Ko'rildi
    164
  • Chop etish
  • Do'stlar bilan ulashish
← Orqaga qaytish

Fikringizni qoldiring

+