Ulug‘ bobomiz Alisher Navoiy ham insonni qiynayotgan muammolar to‘g‘ri hal etilib, uning qadri joyiga qo‘yilsa, albatta el shod, mamlakat obod bo‘ladi, deb yozganlar. Chindan ham inson munosib sharoitda ta’lim-tarbiya olib, farovon hayot kechirgan taqdirdagina, jamiyat va davlat uyg‘unlikda barqaror rivojlanadi.

Shuning uchun ham, bugungi kunda jahon miqyosida inson huquq va erkinliklariga, ushbu tushunchalar bilan bog‘liq reyting va standartlarga birinchi darajali ahamiyat berilmoqda. Inson qadrini yuksaltirish esa davlat hokimiyati organlarining konstitutsiyaviy burchi va ustuvor vazifasi bo‘lmog‘i kerak. Yangilanayotgan Konstitutsiyamizda ushbu tamoyillar ham ifoda etilmoqda. Bandixon tumanida Qonunchilik palatasi deputati Hazratqul Xo‘jamqulov ishtirokida o‘tkazilgan tadbirda ayni shu jihatlar haqida so‘z bordi.

Shuningdek, konstitutsiyaviy qonun loyihasida ko‘rsatilgan moddalardagi o‘zgartirishlar tushuntirib berildi. Jumladan, 24-,25-,27-moddalardagi umuminsoniy tamoyillarga asoslanib kiritilgan o‘zgartirishlardan misollar keltirildi.

O’zLiDeP Surxondaryo vilyati Kengashi

 matbuot xizmati