Konstitutsiyaviy qonun loyihasi quyi bo‘g‘inlarda keng muhokamalar qilinmoqda

08.07.2022, 15:30

Konstitutsiyaviy qonun loyihasi quyi bo‘g‘inlarda keng muhokamalar qilinmoqda

Konstitutsiyaviy islohotlar bo‘yicha umumxalq muxokamasi o‘tkazilishi uchun bundan oldin belgilangan muddatning yana 10 kunga, ya’ni joriy yilning  15 iyuligacha uzaytirilganligi ayni muddao bo‘ldi.

Negaki, fuqarolardan tushayotgan taklif va murojaatlar borgan sari ko‘paymoqda. Ularning eng ahamiyatli va dolzarbligi shundaki konstitutsiyaviy komissiya tomonidan inobatga olinadi, albatta.

O’zLiDeP ning Buxoro viloyatidagi quyi bo‘g‘inlarida Konstitutsiyaviy qonun loyihasi mazmun-mohiyatini tushuntirishga bag‘ishlab o‘tkazib kelinayotgan targ‘ibot tadbirlarida ushbu jiddiy siyosiy jarayon bilan bog‘liq fikr–muloxazalar bildirilayapti, asoslantirilgan takliflar o‘rtaga tashlanmoqda.

Romitan tumani veterinariya bo‘limi boshlang‘ich partiya tashkilotida o‘tkazilgan yig‘ilishda so‘z olgan ushbu muassasa rahbari, partiya tuman Kengashi raisi Uchqun Hodiyev, BPT raisi Maqsuda To‘rayeva, partiya faollaridan Zarnigor Safarova, Yo‘ldosh Aminov, Otabek Karimov va boshqalar Qonun loyihasi bilan batafsil tanishib chiqqanliklarini, yangilangan Konstitutsiyaga kiritilgan o‘zgartish va qo‘shimchalar hech shubhasiz, xalqimiz turmush darajasini oshirishga, kishilarimizning hayotdan rozi bo‘lib yashashlarini ta’minlashga xizmat qilishini ta’kidladilar.

Yig‘ilishda ma’lum qilinganidek, qonun loyihasiga Prezidentimiz tomonidan 4 ta yo‘nalish bo‘yicha 14 ta taklif bildirilgan. Loyihaga shuningdek, 6 ta yangi modda hamda 16 ta yangi  norma kiritilgan.

BPT yig‘ilishida e’tirof etilganidek, Konstitutsiyaviy qonun loyihasining tegishli moddasidagi atmosfera havosini umummilliy boylik sifatida konstitutsiyaviy normada mustaxkamlanishi uni milliy darajada ximoya qilish tizimini xalqaro xuquqiy talablarga  muvofiqlashtirishga, davlat nazorati samaradorligi oshishiga hamda  axolining hayoti va salomatlik darajasini yaxshilashning zarur sharti sifatida  atrof–muhitning qulay holatini ta’minlashga xizmat qilishi bilan ahamiyatlidir.

Teglar
BPT
  • Ko'rildi
    365
  • Chop etish
  • Do'stlar bilan ulashish
← Orqaga qaytish

Fikringizni qoldiring

+