Konstitutsiya – huquq, erkinlik, burch va mas’uliyat

13.07.2022, 17:30

Konstitutsiya – huquq, erkinlik, burch va mas’uliyat

O`zLiDeP Tayloq tuman Kengashi tashabusi bilan tuman hokimligida “Konstitutsiya – huquq, erkinlik, burch va mas’uliyat” mavzusida ochiq muloqot o‘tkazildi.

Unda O`zLiDeP Tayloq tuman Kengashi mas’ul xodimlari, tuman MFY faollari va yoshlar yetakchilari ishtirok etishdi.

Ochiq muloqotda so‘z olgan O’zLiDeP Tayloq tuman Kengashi raisining birinchi o‘rinbosari-apparat rahbari Akmal Mirzoyev Konstitutsiyaviy Qonun loyihasi muhokamalarida yoshlarning o‘rni borasida alohida to‘xtaldi.

O’zbekiston ijtimoiy davlat va adolatli jamiyat qurish sari borar ekan mamlakatimizda iqtidorli yoshlarni qo‘llab-quvvatlash, uni ro‘yobga chiqarish, yoshlarning ilmiy-tadqiqot va innovatsion faoliyatiga shart-sharoitlar yaratilayotganligi e’tirof etildi.

So‘nggi yillarda inson qadrini ulug‘lash, “inson – jamiyat – davlat” tamoyili asosida ijtimoiy muammolarni bartaraf etish maqsadida joriy etilgan “temir daftar”, “ayollar daftari”, “yoshlar daftari”, “mahallabay” va “xonadonbay” ishlash tizimlari o‘zining ijobiy samarasini berdi.

Bu esa xalqimizning, yoshlarimizning orzu niyatlari, istak va iqtidorlarini ro‘yobga chiqishiga xizmat qilmoqda.

Tadbirda so‘zga chiqqan yoshlar vakillari takomillashtirilayotgan Konstitutsiyada yoshlarning huquq va manfaatlarini ta’minlash, ularning o‘qishi, mehnat qilishi, bilim olishi va qobiliyatini namoyon etishi uchun barcha sharoitlarni yaratish dolzarb masala etib belgilanayotganini mamnuniyat bilan ta’kidlashdi.

Ochiq muloqot yakunida ishtirokchilarning mavzu doirasidagi savollariga tadbir tashkilotchilari tomonidan batafsil javoblar berildi.

 Nasiba Mo‘minova,

O’zLiDeP Samarqand viloyat Kengashi

bo‘lim mudiri

  • Ko'rildi
    143
  • Chop etish
  • Do'stlar bilan ulashish
← Orqaga qaytish

Fikringizni qoldiring

+