“Yangi O’zbekiston – ijtimoiy davlat” degan tamoyillar konstitutsiyaviy qoida sifatida kiritilmoqda
13.07.2022, 17:31
Ma’lumki, ayni kunlarda mamlakatimiz miqyosida “O’zbekiston Respublikasining Konstitutsiyasiga o‘zgartish va qo‘shimchalar kiritish to‘g‘risida”gi Konstitutsiyaviy qonun loyihasining umumxalq muhokamasi o‘tkazilmoqda.
Oliy Majlis Qonunchilik palatasi deputati Durbek Axmedov o‘z saylov okrugida aholi o‘rtasida muhokama yig‘ilishlarini o‘tkazib kelmoqda. Navbatdagi muhokama Uchtepa tumani “Jurjoniy” MFY va Xalq ta’limi Uchtepa tuman bo‘limida o‘tkazildi.
Tadbirda deputat Durbek Axmedov Prezident Shavkat Mirziyoyevning O’zbekiston Respublikasi Konstitutsiyasiga o‘zgartirish kiritish va tashkiliy chora-tadbirlarni amalga oshirish yuzasidan Konstitutsiyaviy komissiya a’zolari bilan uchrashuvidagi nutqi hamda “O’zbekiston Respublikasi Konstitutsiyasiga o‘zgartish va qo‘shimchalar kiritish to‘g‘risida”gi O’zbekiston Respublikasining Konstitutsiyaviy qonun loyihasining mazmun-mohiyati borasida keng ma’lumotlar berdi. Xususan, Konstitutsiyaviy qonun loyihasida “Inson – jamiyat – davlat”, “Yangi O’zbekiston – ijtimoiy davlat” degan tamoyillarni konstitutsiyaviy qoida sifatida muhrlashga, xalqparvar davlat barpo etishga, inson huquqlarining himoyasi va ijtimoiy muhofazasini kuchaytirishga, yoshlarning huquq va manfaatlarini to‘la ta’minlashga qaratilganini ta’kidlab o‘tdi.
Muloqot jarayonida ishtirokchilar o‘z takliflarini va fikr-mulohazalarini bildirdilar.
O'xshash yangiliklar
-
Kelajak avlodga munosib ish o‘rinini yaratish bugungi davr talabi
21.04.2024, 14:19
-
Tuman yoshlarining moliyaviy savodxonligi oshirildi
21.04.2024, 14:17
-
Sayxunobodlik yoshlarga biznesning sir-asrorlari o‘rgatildi
21.04.2024, 13:55
-
Chekka qishloqlarda yashovchi xotin-qizlar uchun tibbiy ko‘rik tashkil qilindi
21.04.2024, 13:51
-
Bu yilgi “Ishbilarmon ayol” ko‘rik-tanlovining saralash bosqichiga MFYlarda start berildi
21.04.2024, 13:49
Fikringizni qoldiring