Avval xabar berganimizdek, Oliy Majlis Qonunchilik palatasi Spikeri o‘rinbosari, O’zbekiston fermer, dehqon xo‘jaliklari va tomorqa yer egalari Kengashi raisi Aktam Xaitov Taxiatosh tumanida faoliyat yuritayotgan tadbirkorlik sub’ektlari vakillari bilan yaqindan muloqot qilib, faoliyati bilan tanishdi.

Mamlakatimizda aholi bandligini ta’minlash, tadbirkorlikni qo‘llab-quvvatlash, bu borada asosan xotin-qizlar va yoshlarga qulay  sharoitlar yaratish bo‘yicha ko‘plab ijobiy ishlar amalga oshirilmoqda.  Ushbu ijobiy ishlar tuman hududidagi mahallalarda ham davom etib, “Yoshlar daftari” va “Ayollar daftari” ro‘yxati bo‘yicha ham ishlar tizimli ravishda yo‘lga qo‘yilgan.

Partiya yetakchisi “Naymanko‘l” OFY hududida joylashgan Surxondaryo viloyati shtabi yonidagi “Ostona gilam” MChJ gilam to‘qish sexining ish faoliyati bilan yaqindan tanishdi. U yerda 15 nafardan ziyod bandligi ta’minlangan xotin-qizlar bilan yaqindan muloqot qilib, gilam to‘qish jarayonini ko‘zdan kechirdi. Sex ishini yanada kengaytirish uchun A. Xaitov o‘zining tavsiyalarini berib, yordam kerak bo‘lsa e’tibordan chetda qolmasliklarini aytib o‘tdilar. 

Keyingi manzil esa “Do‘stlik” MFY hududiga qarashli “Nurbibi Jannat” MChJning aholiga xizmat ko‘rsatish markazining faoliyati bilan yaqindan tanishildi.

Mazkur mahalla hududida joylashgan "WORK CHOP" MChJ ga qarashli tikuvchilik kooperatsiyasiga tashrif buyurib, mahallada tikuvchilikni rivojlantirishga qo‘shayotgan hissalarini va yoshlarning ishtiyoq bilan ishlayotgan ishlari bilan tanishib yaqindan suhbat olib bordi,  kelgusidagi ishlarida muvaffaqiyatlar tiladi.

Ma’lumot o‘rnida mazkur tikuvchilik kooperatsiyasi asosan maxsus   forma kiyimlari, turli xil bejirim kiyim-kechaklarni tikishga yo‘naltirilgan. Korxonada 34 nafar xotin-qizlar doimii ish bilan ta’minlangan.

Partiya yetakchisi Aktam Xaitov mazkur aholiga xizmat ko‘rsatish markazida yaratilgan shart-sharoitlar bilan yaqindan tanishar ekan, faoliyatini yanada kengaytirish borasida o‘zining maslahat va tavsiyalarini berib o‘tdi. 

O'zLiDeP Qoraqalpog‘iston Respublikasi

Kengashi matbuot xizmati