Angrenda shahar hokimi deputatlik guruhi eshituvida ishtirok etdi
25.08.2022, 16:36
Bugun yurtimizda “Davlat – inson uchun” degan ezgu g‘oyani hayotga tatbiq etilib, har bir fuqaro uchun munosib turmush sharoiti va ijtimoiy himoya tizimi yaratish yo‘lida tizimli ishlar amalga oshirilmoqda. Inson qadrini yuksaltirish yo‘lida xalqparvar davlat barpo etishning ustuvor yo‘nalishlari belgilab olindi. O’zLiDeP ham mana shu ustuvor vazifalarni ro‘yobga chiqarishda kamarbasta bo‘lib kelmoqda. Partiya tashkilotlari joylardagi vakillik hamda hokimiyat organlari bilan samarali hamkorlikni yo‘lga qo‘ygan.
Partiya Angren shahar Kengashi tashabbuskorligida tashkil etilgan navbatdagi deputatlik guruhining yig‘ilishiga shahar hokimi Alisher Rayimov taklif etildi.
Aholi vakillari ishtirokida o‘tgan yig‘ilishda Angren shahar oila va xotin-qizlar bo‘limining ayollar o‘rtasida ish o‘rni yaratish, ularning ish bilan bandligini ta’minlash masalalari yuzasidan hisoboti tinglandi.
2022 yilning o‘tgan davri mobaynida bo‘lim tomonidan xotin-qizlar o‘rtasida yangi ish o‘rni yaratish borasidagi qilingan ishlar tahliliy-tanqidiy nuqtai nazardan ko‘rib chiqildi.
Yig‘ilishda ishtirok etayotgan ayollarning kam ta’minlangan, uy-joyga ehtiyoji borlarining murojaatlari ham tinglandi. Murojaatlar yechimiga doir muhokamalarda shahar xotin-qizlar masalalari bo‘yicha qo‘mitasi bosh mutaxassisi M.Mamedova mazkur masalani “Xalqparvar” jamg‘armasi komissiyasida o‘rganib, Xalq deputatlari shahar Kengashi sessiyasida ko‘tarib chiqishni so‘radi. Kam ta’minlangan. Uy-joyga muhtoj ayollarning turar joy bilan ta’minlanishi masalasiga birgalikda ijobiy yechim topish taklifini kiritdi.
Masalani diqqat bilan tinglagan hokim Alisher Rayimov “Xalqparvar” jamg‘armasi shahar bo‘limi raisi Vadim Liga arizachining murojaatini “pilot” tizimi orqali tajriba tarzida hal etib ko‘rishni taklif qildi.
Deputat Raxmon Davlyatov ham tinglangan hisobot yuzasidan o‘z fikr va mulohazalarini bildirdi.
O’z navbatida hisobot beruvchi tomonidan deputatlik guruhining shahar oila va xotin-qizlar bo‘limi faoliyati samaradorligini oshirishga qaratilgan taklif va tavsiyalari kelajakda olib boriladigan ishlarni tizimli shakllantirishda foydalanish uchun qabul qilinishi ta’kidlab o‘tildi.
Yig‘ilishda ko‘rib chiqilgan masala yuzasidan fikrlar umumlashtirildi. Masalani ijobiy hal qilishga doir hamkorlik yuzasidan tegishli chora-tadbirlar ishlab chiqildi.
Zuxro Mirzohamdamova,
O’zLiDeP Toshkent viloyat Kengashi
bo‘lim mudiri
O'xshash yangiliklar
-
Qo‘rg‘ontepada qishloq xo‘jaligiga mo‘ljallangan yerlardan samarali foydalanish holati tahlil qilindi
26.01.2024, 16:23
-
Deputat ko‘magida aholi xonadonlariga ichimlik suvi yetib bormoqda
26.01.2024, 11:59
-
Deputatlik eshituvi tanqidiy-tahliliy ruhda o‘tdi
26.01.2024, 11:58
-
Boshqarma boshlig‘ining hisoboti eshitildi
25.01.2024, 15:34
-
Zominlik deputatlar tuman elektr tarmoqlari korxonasi rahbarining hisobotini eshitdilar
23.01.2024, 15:15
Fikringizni qoldiring