Qonliko‘llik mahalla xotin-qizlari orasida sport musobaqasi o‘tkazildi
22.09.2022, 16:07
Ma’lumki, yurtimizda xotin-qizlarni jismoniy tarbiya va sportga jalb qilish, ular o‘rtasida sog‘lom turmush tarzini yo‘lga qo‘yish ustuvor yo‘nalishlardan biri hisoblanadi.
O’zLiDeP Qoraqalpog‘iston Respublikasi Kengashi “Ayollar qanoti” tomonidan “Sog‘lom oila – mustahkam oila” loyihasi doirasida O’zLiDeP Qonliko‘l tuman Kengashi va Yoshlar ishlari agentligi tuman bo‘limi bilan hamkorlikda mahalla xotin-qizlari orasida sportning voleybol turi bo‘yicha musoboqa tashkil qilindi.
Maqsad esa sog‘lom turmush tarzini shakllantirish va hayotga tatbiq etish, xotin-qizlarni jismoniy tarbiya hamda sportga keng jalb qilish orqali onalar sog‘ligini mustahkamlash, sog‘lom avlodni voyaga yetkazishga hissa qo‘shish, aholiga, ayniqsa ayollarning o‘z sog‘ligiga nisbatan mas’uliyatni kuchaytirish hamda ommaviy sport turlarini yanada rivojlantirishdan iborat.
Keyingi yillari davlatimiz rahbarining tashabbusi bilan barcha sohalar singari sport sohasini isloh etishga ham katta e’tibor qaratilmoqda, - deydi Qoraqalpog‘iston Respublikasi Jo‘qorg‘i Kengesidagi O’zLiDeP fraksiyasi a’zosi Q.Yeshmuratov.
Aholini muntazam sport bilan shug‘ullanishga jalb etish maqsadida Prezidentimizning “Yangi O’zbekistonning 2022-2026 yillarga mo‘ljallangan taraqqiyot strategiyasi” to‘g‘risidagi Farmon loyihasining to‘rtinchi “Adolatli ijtimoiy siyosat yuritish, inson kapitalini rivojlantirish yo‘nalishi”da ham jismoniy tarbiya va sport bilan muntazam shug‘ullanadigan aholi sonini 2026 yilda 33 foizga chiqarish kerakligi qayd qilingan.
O’ziga xos murosasiz bahslarda kechgan uyinda 4 ta jamoa o‘zaro bellashdi.
Natijada esa tuman tibbiyot birlashmasi jamoasi g‘oliblikni qo‘lga kiritdi va hamkor tashkilotlar tomonidan diplom va esdalik sovg‘alari bilan taqdirlandi.
O’zLiDeP Qoraqalpog‘iston Respublikasi
Kengashi matbuot xizmati
O'xshash yangiliklar
-
Ishbilarmon ayollar saralanmoqda
21.04.2024, 13:39
-
O‘zLiDeP “Ayollar qanoti” loyihalari orqali ishsiz xotin-qizlar tadbirkor bo‘lyapti
09.04.2024, 19:52
-
Qoratepalik Matluba opa tomorqasidan har yili 30 million so‘m daromad qilmoqda
09.04.2024, 19:49
-
Xotin-qizlarning iqtisodiy, ijtimoiy va siyosiy faolligini oshirishga eʼtibor yana-da kuchaygan
31.03.2024, 10:51
-
Mahalladagi xotin-qizlarning muammo va takliflari o‘rganildi
01.03.2024, 22:01
Fikringizni qoldiring