Ayol baxti – jamiyat baxti
26.09.2022, 17:44
O’zLiDeP Samarqand viloyat va Toyloq tuman Kengashi tomonidan 2022-2026 yillarga mo‘ljallangan Yangi O’zbekistonning taraqqiyot strategiyasida belgilangan vazifalar ijrosini ta’minlash maqsadida “Farovon oila” loyihasi doirasida “Ayol baxti – jamiyat baxti” mavzusida davra suhbati tashkil qilindi.
Tadbirda O’zLiDeP Samarqand viloyat Kengashi raisining Ayollar masalalari bo‘yicha o‘rinbosari, viloyat “Oqila ayollar” harakatining rahbari Jamila Sayfiddinova so‘zga chiqib, xotin-qizlar o‘rtasida huquqbuzarliklarning barvaqt oldini olish, deputatlar, psixologlar, tajribali mahalla oqsoqollari, keksa avlod vakillari, namunali oilalar ishtirokida maslahatlar berish, xotin-qizlar o‘rtasidagi jinoyatchilik, giyohvandlik va suitsidlarning oldini olish, ayollarning manfaatlarini har tomonlama himoya qilish yuzasidan tadbirlarni muntazam tashkil qilib borish muhimligini ta’kidladi.
Shuningdek, qator ma’ruzachilar o‘z fikr-mulohazalarini yuritib, yoshlar o‘rtasida oilaviy-huquqiy munosabatlar, oilaviy hayot psixologiyasi, oila iqtisodi va budjeti, reproduktiv salomatlik asoslari, ma’naviy-ahloqiy qadriyatlarga nisbatan hurmat ruhida bo‘lish masalalarini hamda «Oila — muqaddas» tushunchasini keng targ‘ib qilish, xotin-qizlarning mamlakatda amalga oshirilayotgan islohotlarga daxldorlik hissini oshirish, ularga qabul qilinayotgan qonunchilik hujjatlarining mazmun-mohiyatini xalqchil tilda tushuntirish lozimligini ta’kidladilar.
Yig‘ilish kun tartibidan o‘rin egallagan masalalar bo‘yicha tadbir ishtirokchilari o‘z fikr-mulohazalarini va takliflarini bildirishdi.
Marxabo Chuliyeva,
O’zLiDeP Samarqand viloyat Kengashi
bo‘lim mudiri
O'xshash yangiliklar
-
O‘zLiDeP “Ayollar qanoti” loyihalari orqali ishsiz xotin-qizlar tadbirkor bo‘lyapti
09.04.2024, 19:52
-
Qoratepalik Matluba opa tomorqasidan har yili 30 million so‘m daromad qilmoqda
09.04.2024, 19:49
-
Xotin-qizlarning iqtisodiy, ijtimoiy va siyosiy faolligini oshirishga eʼtibor yana-da kuchaygan
31.03.2024, 10:51
-
Mahalladagi xotin-qizlarning muammo va takliflari o‘rganildi
01.03.2024, 22:01
-
Gulchi opa mahalla xotin-qizlariga o‘z tajribasini ommalashtirdi
24.02.2024, 12:22
Fikringizni qoldiring