O`zLiDeP Jizzax viloyat Kengashi tomonidan tashkil etilgan ishchi  guruh a’zolari Jizzax shahridagi yosh tadbirkor Shahboz Odilov rahbarlik qilayotgan “AZIYA OIL INDUSTRY” mas’uliyati cheklangan jamiyati faoliyati bilan ham tanishishdi.

Yosh tadbirkor sa’y - harakatlari bilan ish boshlagan mazkur korxonaga  Milliy bankning viloyat filialidan olingan 212 500 AQSh dollari miqdoridagi kredit mablag‘iga Xitoydan texnologiyalar olib kelib o‘rnatilgan. Bugungi kunda har kuni 16 ming dona gazsiz qadoqlangan suv ishlab chiqarish yo‘lga qo‘yildi. 8 nafar yoshlar doimiy ish o‘rni bilan ta’minlangan. Ayni paytda  yangi liniyalarni ishga tushirish va yana 100 nafar kishini ish bilan ta’minlash bo‘yicha yangi loyiha tayyorlangan.

Tanishuv davomida yoshlarga partiyamizning Saylovoldi dasturidagi maqsad va vazifalar ijrosini ta’minlash borasida olib borilayotgan ishlar, yurtimizdagi islohotlar jarayoni haqida ma’lumot berildi. Yoshlarni qiziqtirgan savollarga batafsil javob qaytarildi.

Tanishuv so‘ngida yosh tadbirkor Sh.Odilov yetakchiligida 8 nafar korxona xodimlaridan iborat yangi BPT faoliyati yo‘lga qo‘yildi.

Shohruh O’razboyev,

O`zLiDeP Jizzax viloyat Kengashi

BPTlar bilan ishlash guruhi rahbari