Yurtimiz bo‘ylab "Yashil makon" umummilliy loyihasiga start berilgach, Muzrabot tumanidagi mahallalarda, fermer xo‘jaliklarida yashil makonlar tashkil etilayapti. Xususan, "Mamatqul" fermer xo‘jaligida ham ish qizg‘in. Bunga fermer xo‘jaligi raisi Akmal Xudoyqulovning o‘zi boshchilik qilmoqda.

Oliy Majlis Qonunchilik palatasi Spikeri o‘rinbosari, O‘zLiDeP fraksiyasi rahbari, O’zbekiston fermer, dehqon xo‘jaliklari va tomorqa yer egalari Kengashi raisi Aktam Xaitov vohaga tashrifi chog‘ida ushbu fermer xo‘jaligida bo‘ldi. Mehmon boshchiligida «Yashil makon» umummilliy loyihasi doirasida uzum, olma va boshqa meva ko‘chatlari o‘tqazildi.