Oliy Majlis Qonunchilik palatasi Spikeri o‘rinbosari, O‘zLiDeP fraksiyasi rahbari, O’zbekiston fermer, dehqon xo‘jaliklari va tomorqa yer egalari Kengashi raisi Aktam Xaitov Muzrabot tumanidagi fermerlar, hokim yordamchilari uchun sayyor qabul o‘tkazdi.

Unda un ishlab chiqaruvchi zavod qurish uchun kredit rasmiylashtirish yo‘llari, artezian qudug‘i qazish, meva-sabzavotlarni saqlash uchun kichik sovutkichlar qurish bo‘yicha maslahat va yordam so‘raldi. Albatta, ularga javoban  O‘zLiDeP lideri yaqindan yordam berilishini aytib o‘tdi.

— Muzrabot tumanida ham ichimlik suvi bilan bog‘liq muammolar yo‘q emas, — deydi Primqul Norqulov. — Ushbu muammoni hal etishning eng yaxshi yo‘li bu artezian quduqlarni qazishdir. Aholida bunga ehtiyoj bor, biroq artezian qudug‘ini qazish ishlarini to‘g‘ri amalga oshirish, mablag‘ masalasini hal qilish kerak. Bu bo‘yicha murojaat qildim va A.Xaitov bu borada o‘z tavsiyalarini berdi.

O‘zLiDeP Surxondaryo viloyati Kengashi

matbuot xizmati