Andijon qishloq xo‘jaligi va agrotexnoligiyalar institutining 20 nafar talabasi O‘zLiDePning faol a’zosiga aylandi

25.11.2022, 15:02

Andijon qishloq xo‘jaligi va agrotexnoligiyalar institutining 20 nafar talabasi O‘zLiDePning faol a’zosiga aylandi

O’zLiDeP Andijon viloyat  Kengashi tomonidan ”Yangi avlod kadrlari” loyihasi doirasida “Yoshlar siyosatida istiqbolli kadrlar” mavzusidagi tadbirning navbatdagisi  Andijon qishloq xo‘jaligi va agrotexnologiyalar institutida  tashkil qilindi.

Unda partiya viloyat Kengashi xodimlari, institut  o‘qituvchilari, bo‘lim mudirlari, talaba-yoshlari, partiya “Yoshlar qanoti” faollari, deputatlar hamda BPT raislari  ishtirok etdi.

Tadbirda so‘z olganlar partiya tomonidan yoshlarni huquqiy demokratik davlat va kuchli fuqarolik jamiyati barpo etish jarayoniga keng jalb etish va ularning ijtimoiy-siyosiy faolligini oshirish borasida hayotga tatbiq etilayotgan amaliy ishlari yaxshi samara berayotganini alohida ta’kidladi.

Shundan so‘ng, partiya Andijon viloyat Kengashi tashkiliy-partiyaviy va istiqbolli kadrlar bilan ishlash bo‘limi mudiri Sh.Turg‘unov “Yangi avlod kadrlari” loyihasining maqsad va vazifalari haqida ishtirokchilarga batafsil ma’lumot berdi.

Qayd etilganidek, mazkur tadbirdan ko‘zlangan maqsad oliy ta’lim muassasalari bilan partiyaning uzviy hamkorligini yo‘lga qo‘yish, viloyat, tuman, shahar partiya tashkilotlariga siyosiy jihatdan yetuk, yetarli bilim va malakaga ega bo‘lgan kadrlarni aniqlash va ularni partiyaning istiqbolli kadrlar zaxirasiga tavsiya etishdan iborat.

-Mazkur tadbirni aynan yoshlar orasida o‘tkazilayotganida juda katta ma’no bor. Zero, yoshlik – kuch g‘ayrat timsoli. Bu yoshda inson yangi-yangi g‘oyalar qurshovida bo‘ladi, – deydi O‘zLiDeP Andijon viloyat Kengashi bo‘lim mudiri Sh.Bozorov .– Kelajagimiz yoshlar qo‘lida ekan, ana shunday faol yoshlar hisobiga safimizni kengaytirish  kelajakda yaxshi  natija berishiga ishonaman.

Tadbir yakunida Andijon qishloq xo‘jaligi va agrotexnoligiyalar institutining 20 nafar talabasi O‘zLiDeP kadrlar zaxirasiga olindi.

  • Ko'rildi
    232
  • Chop etish
  • Do'stlar bilan ulashish
← Orqaga qaytish

Fikringizni qoldiring

+