Baxshilar maktabida yangi a’zolar qabul qilindi

25.11.2022, 16:53

Baxshilar maktabida yangi a’zolar qabul qilindi

O’zLiDeP Surxondaryo  viloyat  Kengashi “Ayollar qanoti”  hamda O’zLiDeP Termiz shahar  Kengashi Termiz shahridagi Baxshilar maktabida “Xotin-qizlar masalasi doim e’tiborda!” mavzusida davra suhbati tashkil etildi. Unda partiya faoli Sadoqat Temirova “Ayollar daftari” orqali xotin-qizlarning muammolarini hal etish amaliyotini o‘rganish va tahlil qilish masalalariga alohida e’tibor qaratdi. Qolaversa, o‘zini o‘zi band qilish yoki yakka tartibdagi tadbirkorlikning qanday yo‘nalishlari borligi haqida ham ma’lumot berildi.

Bugungi kunda ishlaydigan, zamonaviy xotin-qizlarimiz safi kengayib bormoqda. Ammo, ishdan tashqari vaqtda qo‘shimcha hunar yoki kichik tadbirkorlik bilan shug‘ullanish ham ziyon qilmaydi. Bu uchun barcha imkoniyatlar mavjud bo‘lgan davlatda yashayotgan ekanmiz, demak ulardan foydalanishimiz zarur. Axir xonadonlar farovon, odamlar to‘q yashasa, bu davlatga ham foyda bo‘lishini Prezidentimiz bot-bot aytyapti. Partiya vakillari Baxshichilik maktabida faoliyat yuritayotgan ayollarga ushbu imkoniyatlar haqida ham so‘zlab, yo‘nalish berishdi.

Tadbir davomida O’zLiDeP bu masalada xotin-qizlarimizga ko‘makchi bo‘lishini, uning maqsad-vazifalari nimalardan iborat ekanligi targ‘ib qilindi. Shundan so‘ng, Baxshilar maktabi direktori Dilmurod Choriyev boshchiligida 22 nafar o‘qituvchi partiya safiga qabul qilinib, ularga partiyaning a’zolik guvohnomalari topshirildi.

O’zLiDeP Surxondaryo viloyati Kengashi

matbuot xizmati

Teglar
BPT
  • Ko'rildi
    328
  • Chop etish
  • Do'stlar bilan ulashish
← Orqaga qaytish

Fikringizni qoldiring

+